Ges-y sẽn be pʋgẽ wã

Ges-y sẽn be sebrã pʋgẽ

Ãnda n kɩt tɩ wẽnemã beẽ?

Ãnda n kɩt tɩ wẽnemã beẽ?

Ãnda n kɩt tɩ wẽnemã beẽ?

YƲƲMD 1994 soabã pʋgẽ, zabr n zĩnd Ruwãnda tɩ Nasiõzĩni wã tʋm sodaas tɩ b tɩ kogl nin-buiidã. Soda-kãens taoor soabã tẽega bãmb sẽn pa tõog tɩ zabrã sa wã yelle, n yeel woto: “Mam yõka Sʋɩtãanã nugu.” Ned a ye me sẽn zĩnd be n yã nin-buiidã sẽn kʋ taab ne wẽnem sẽn pa tõe n bãng n bilgã yeela woto: “Ned sã n ket n pa tẽed t’a Sʋɩtãan beeme, bɩ a wa tɩ d kẽng Ruwãnda tɩ m wilg-a yaoog b sẽn naag neb ka tɛk taab n mum a pʋgẽ.” La rẽ yĩnga, tʋʋm-wẽns a woto buudã sɩd yaa a Sʋɩtãan tʋʋm bɩ?

Neb wʋsg pa rat n sak n deeg tɩ nen-kɛglmã la wẽnemã buud toor-toorã yaa a Sʋɩtãan tʋʋmd ye. B tagsdame tɩ yaa ninsaalbã sũy sẽn yaa wẽnsã, la tɩ sẽn yɩɩd fãa yaa rat-m-ye wã yĩng n kɩt tɩ b mi n sak n tʋm tʋʋm-wẽns a woto. Kẽer tẽedame tɩ neb sẽn yaa ra-kãag-rãmb n tar pãng la b zemsd taab n sɩng n belgd nebã hal daar zãra, n dat n paam n soog dũniyã. La sãnda tagsdame tɩ yaa tẽnsã taoor dãmb n kɩtd tɩ wẽgbã la namsg beẽ wã.

Yãmb yẽ tagsg yaa bʋgo? Bõe yĩng tɩ wẽnemã, nen-kɛglmã, nin-kʋʋrã la namsgã tar paasg zĩig zãng rũndã-rũndã, baa ne modgr nins fãa b sẽn maand n dat n menes-bã? La bõe yĩng tɩ ninsaalbã ket n tʋmd tʋʋm-wẽnse, baa sẽn yaa vẽeneg tɩ wẽneg n wãad-b lame wã? Ãnda n kɩt tɩ yel-kãensã fãa beẽ? Ãnd n sɩd yaa dũniyã naaba? Sogs-kãensã leoorã tõe n ling-y lame.