Ges-y sẽn be pʋgẽ wã

Ges-y sẽn be sebrã pʋgẽ

 YƖƖLL 65

Wɩng-y ne Wẽnnaam tʋʋmã

Sélectionner un enregistrement audio
Wɩng-y ne Wẽnnaam tʋʋmã
WILGRI

(Ebre-rãmbã 6:1)

  1. 1. Wɩng-y-yã, modg-y-yã tɩ y tẽebã paase!

    Modg-y tɩ nebã yã tɩ y tẽebã sɩd bɩtame.

    Maan-y y sẽn tõe tɩ y tʋʋmdã sõmblem paase.

    Teeg-y Wẽnnaam t’a sõng-yã.

    Koɛɛgã mooneg yaa tõnd fãa tʋʋmde.

    A Zeezi mengã kõo mak-sõngo.

    Pʋʋs-y-yã a Zeova t’a na n kõo yãmb pãnga,

    tɩ y kell n maan sẽn segde.

  2. 2. Wɩng-y-yã, modg-y-yã, moon-y koe-noogã!

    Moon-y ned buudã fãa vɩɩm sẽn kõn sa wã koɛɛgã.

    D pẽgda a Zeova sẽn yaa tõnd Wẽnnaamã,

    d sã n wa moond zak-zaka.

    Bɛɛbã rat n kẽesa tõnd rabeem.

    La d pa na n yɛɛs n leb poorẽ ye.

    Yeel-y nebã tɩ Wẽnd Rĩungã luglame.

    Wɩng-y ne tʋʋmdã daar fãa.

  3.  3. Wɩng-y-yã, modg-y-yã, tʋm-y ne y sũy fãa.

    Modg-y n paas-y y minmã tɩ tʋʋmã sɩd yaa wʋsgo.

    Sak-y tɩ Wẽnd vʋʋsem sõngã sõng yãmba,

    tɩ y na paam sũ-noog wʋsgo.

    Nong-y neb nins sẽn kelged koɛɛgã,

    la y kẽnd n sõng-b tɩ b bãng Wẽnnaam,

    sẽn na yɩl tɩ b tẽebã paam pãng n paase,

    tɩ sɩdã vẽenmã yãge.