Ges-y sẽn be pʋgẽ wã

Ges-y sẽn be sebrã pʋgẽ

 YƖƖLL 130

D kõt taab sugri

Sélectionner un enregistrement audio
D kõt taab sugri
WILGRI

(Yɩɩn-sõamyã 86:5)

  1. 1. Wẽnnaam sẽn nong tõndã,

    a tʋma yẽ Bi-nongrã,

    tɩ d tõe n paam d beegrã sugri,

    la d wa paam vɩɩm sẽn kõn sa.

    A Zeezi kii tõnd fãa yĩnga,

    tɩ ned ning sẽn kot sugri,

    tõe n sɩd paam a beegrã sugri,

    a Zeezi maasem yĩnga.

  2. 2. Tõnd sã n maand wa a Zeova,

    n sakdẽ n kõt taab sugri,

    n kʋmd taab la d sɩd nong taaba,

    a na n kõo tõnd me sugri.

    Bɩ tõnd tall sũ-mar ne taaba,

    la d ra bao n dok d sũur ye.

    D waoogd saam-biisã sõma.

    Rẽ la nonglem hakɩɩka.

  3. 3. Bɩ d fãa bʋk d sũuri,

    n sɩd yɩ nimbãan-zoɛtba.

    Bɩ ra tall sũ-kẽk ne ned ye.

    d bas beem ne sũ-toogo.

    Tõnd sã n dɩk a Zeova makrã,

    n tall nonglem sɩd-sɩda,

    tõnd na n sɩd kõta taab sugri,

    n yɩ wa d saasẽ Ba wã.