Mise sebre 4:1-13
4 Yaoolem wakatã,a Zeova roogã tãngã+na n lugame n yɩɩg tãens a taabã.A na n zẽkame n yɩɩg kunkubã,la buud toɛy-toɛyã neb na n kaoog n waa be.+
2 La buud wʋsg na n waame n yeel yaa:
“Wa-y tɩ d rʋ a Zeova tãngã zugu,a Zakoob Wẽnnaamã roogẽ.+
A na n zãmsa tõnd a soayã,tɩ tõnd kẽn a so-bugsã zutu.”
Bala tõog* n na n yi Siyõ,t’a Zeova gomdã yi Zerizalɛm.
3 A na n yɩɩ bʋ-kaood buud wʋsg sʋka,+n welg yɛl* buud toɛy-toɛy sẽn be zĩ-zãrsẽ n tar pãng sʋka.
B na n dɩka b sʋʋsã n kud wãgse,la b rɩk b kãnã n kud goeto.+
Buud pa na n zẽk sʋʋg n zab ne buud a to,la b kõn le zãms zabr me ye.+
4 B ned kam fãa na n zĩi* a viyn tɩɩg tẽngre, la a kankang tẽngre,+tɩ ned kae n na n kẽes-b rabeem ye.+Bala yaa a Zeova sẽn yaa tãb-biis naabã n gome.
5 Buud fãa na n kẽna ne a wẽnnaam yʋʋre,la tõnd na n kẽna ne d Wẽnnaam a Zeova yʋʋr+ wakat sẽn kõn sa yĩnga.
6 A Zeova yeelame yaa: “Baraare,mam na n tigma sẽn da keoosd-bãne sẽn da sãeeg-bã,+n paas mam sẽn da namsd b rãmbã.
7 Mam na n kɩtame tɩ neb kell sẽn da keoosd-bã sʋka,+la m kɩt tɩ sẽn da zãag-b wʋsgã lebg buud sẽn tar pãnga.+Maam a Zeova na n dɩɩ naam b zut Siyõ tãngã zugmasã tɛka, la wakat fãa yĩnga.
8 La sã n yaa ne foom a rũm-bõonegã gasgo,foom a Siyõ bi-puglã zĩ-zãntgã,+pipi* naamã na n waa fo nengẽ.+ A sɩd na n waame.Yaa rĩung ning Zerizalɛm bi-puglã sẽn so wã.+
9 Masã, bõe yĩng tɩ fo zẽk f koɛɛg n kelemdẽ?
Fo pa tar dĩm la?Bɩ fo sagendã kiime,tɩ kɩt tɩ toog tar foo wa pag sẽn dat n doge?+
10 Foom a Siyõ bi-pugla, tẽb toogã yĩng la f wõoswa pag sẽn dat n doge,bala masã fo na n yii galʋ-tẽngẽ wã n tɩ zĩnd weoogẽ wã.
Fo na n kẽnga hal Babilonne.+Be la b na n fãag foom.+Be la a Zeova na n lebs n da foom f bɛɛbã nusẽ.+
11 Masã, buud wʋsg na n tigma taab sẽn na yɩl n zab ne foo.B na n yeelame yaa: ‘Bɩ b paoog-a,la bɩ tõnd ninã yã bõn-kãngã sẽn paamd Siyõ.’
12 La b pa mi a Zeova tagsa wã ye.B pa wʋmd a raabã* võor ye.Bala a na n tigm-b-la wa ka-gĩn b sẽn nan kẽeb n dʋʋg zɛɛgẽ.
13 Foom a Siyõ bi-pugla, yik n pãb koodã.+Bala mam na n toeema fo yɩɩlã tɩ lebg kutu,la m toeem fo nao-bendã tɩ lebg zũudu.Fo na n bedsa buud wʋsgo.+
Fo na n dɩka b zãmb paoongã n kõ a Zeova,la f rɩk b laogã n kõ dũniyã tõr Zu-soab sɩd-sɩdã.”+
