Ezayi sebre 55:1-13
55 Yãmb a neb nins fãa ko-yũud sẽn tarã,+ wa-y-yã! Wa-y koomã zĩigẽ!+
Yãmb a neb nins sẽn pa tar ligdi, wa n da-y n dɩ!
Wa n da-y divẽ ne bĩisim+ zaalem n pa yao ligd ye.+
2 Bõe yĩng tɩ y rɩkd y ligd n daad bũmb sẽn pa rɩɩbo,la bõe yĩng tɩ y sãamd y yaood* ne bũmb sẽn pa pit pʋga?
Kelg-y maam neere, tɩ y na n dɩɩ rɩɩb sẽn yaa sõma,+la y sũur na n yɩɩ noog wʋsg ne bũmb ning sẽn sɩd tar barkã.*+
3 Kɩll-y y tʋb n wa mam nengẽ.+
Kelg-y maam tɩ y na n kell n vɩɩmdame.Hakɩɩka mam na n maana kaool sẽn paad wakat fãa ne yãmba,+wa sẽn zems mam sẽn pʋlem a Davɩɩd tɩ m na n nong-a-la ne nonglem hakɩɩkã, sẽn yaa pʋleng b sẽn tõe n kɩs sɩd ne wã.*+
4 Gese! Mam kɩtame t’a yaa buud toɛy-toɛyã kaset soaba,+buud toɛy-toɛyã taoor soab+ la b naaba.+
5 Fo na n boola buud f sẽn pa mi.La buud neb sẽn da pa mi foom na n zoee n waa fo nengẽ,fo Wẽnnaam a Zeova sẽn yaa Israyɛll Sõng soabã yĩnga.+Bala a na n zẽka fo zugu.+
6 Bao-y-yã a Zeova tɩ b nan ket n tõe n yã-a.+
Bool-y-yã-a t’a nan ket yambẽ.+
7 Bɩ nin-wẽng bas a manesem-wẽngã,+tɩ nin-yoog bas a tags-yoodã.Bɩ a lebg n wa a Zeova nengẽ, t’a na n zoee a nimbãanega.+A lebg n wa tõnd Wẽnnaamã nengẽ t’a na n kõ-a-la sugr wʋsgo.*+
8 Ad a Zeova sẽn yeele: “Mam tagsa wã pa wa yãmb tagsa wã ye.+La mam soayã pa wa yãmb soayã ye.”
9 “Bala wa saasã sẽn zãnt n yɩɩd tẽngã,mam soayã me zãntlem yɩɩda yãmb soayã,la mam tagsa wã yɩɩda yãmb tagsa wã.+
10 Bala wa saag ne sa-lamd sẽn yit yĩngr n dʋʋgdẽ,n pa lebgd n leb be tɩ b pa reng n kɩt tɩ tẽngã tɩg koom, tɩ bõn-buud bul n yi n wom biisi,tɩ bʋt paam bõn-buudu, tɩ sẽn dɩt-a me paam dɩɩbã,
11 gomd ning sẽn yi mam noorẽ wã na n yɩɩ woto me.+
A pa na n lebg n wa mam nengẽ zaalem ye.+La a na n sɩd maana bũmb ning sẽn ta mam yamã.+Hakɩɩka, a na n tõog n maana bũmb ning m sẽn tʋm-a t’a tɩ maanã.
12 Bala yãmb na n yii ne kɩdengo,+la b na n talla yãmb n lebg n wa ne laafɩ.+
Tãensã ne kunkubã na n kɩdma yãmb taoor ne sũ-noog kaasgo,+la weoogã tɩɩsã fãa na n wẽe nug-pogse.+
13 Zenevirie tɩɩs n na n ledg gõos tuud n yi,+tɩ mirt tɩɩs ledg gõos sẽn kõsdã.
Woto na n kɩtame t’a Zeova yʋʋrã yi.+A na n yɩɩ bãnd wakat fãa yĩnga, la sẽn pa na n tol n sãam ye.”
