Ezayi sebre 11:1-16
11 Wil-poll+ n na n tob a Zese+ viukẽ wã,la tobeng+ n na n yi a yẽgẽ wã n wom biisi.
2 A Zeova vʋʋsmã na n siga a zugu,+n kɩt t’a tall yam+ ne yam-vẽenem,n mi neb saglg+ la a tall pãn-kãsenga.A na n talla bãngre, ne a Zeova zoeese.
3 A na n maana sũ-noog a Zeova zoeesã pʋgẽ.+
A pa na n bʋ wa sẽn zems a nif sẽn ne,wall a kibl ned wa sẽn zems a tʋbr sẽn wʋm bal ye.+
4 A na n bʋʋ nimbãan-dãmb ne zemsgo,*la a kibl neb ne tɩrlem n sõng dũniyã sik-m-mens rãmbã.
A na n wẽe tẽngã ne a noorã rasaare,+la a kʋ nin-wẽng ne a no-bɩmsã pemsem.+
5 Tɩrlem na n yɩɩ a sɛɛg sẽbdga,tɩ maan-sɩd yɩ a sɛɛg wĩiri.+
6 We-baag na n zĩnda wakat bilf ne pe-bila,+tɩ ãbg naag bull n gãande.Nag-bil ne gɩgemd la rũm-nobdg na n naaga taaba,*+tɩ bi-bilf kɩɩm-ba.
7 Nag-yãang ne urs* na n naaga taab n wãb yamdo,tɩ b kambã naag taab n gãande.
Gɩgemd na n wãba yamd wa loalga.+
8 Biig sẽn yẽsemd na n deema ruruug bok noore,la bi-sigdg na n ninga a nug wag-toaag bokẽ.
9 B pa na n maan wẽng buud baa a ye,+wall b wa ne sãoong buud baa a ye mam tãn-sõngã zug ye.+Bala sɩd-sɩdã, tẽngã na n pida ne a Zeova bãngre,wa koomã sẽn pid mogrã.+
10 Baraare, a Zese yẽgrã+ na n yik n yalsa wa tãb-kaoor buud toɛy-toɛyã yĩnga.+
Bu-zẽmsã na n wẽnemd n teesa yẽ t’a wilg-b sore,*+la a vʋʋsgã zĩig na n talla ziiri.
11 Baraare, a Zeova na n le tẽega a nug naoor a yiib-n-soaba, n deeg a nin-buiidã kellã b sẽn bas Asiiri,+ Ezɩpt,+ Patroos,+ Kuus,+ Elam,+ Sineyaar* ne Hamat la mogrã ko-sʋk tẽnsẽ wã.+
12 A na n zẽka tãb-kaoor buud toɛy-toɛyã yĩnga,+ la a tigim Israyɛll neb nins sẽn sãeegã, n tigim Zida neb nins sẽn sãeeg n be dũniyã ween-vɩɩs a naasã me.+
13 Efrayim sũ-kiirã na n saame,+la b na n menesa neb nins sẽn da zabd ne Zida wã.
Efrayim pa na n le maan sũ-kiir ne Zida,la Zida me pa na n le zab ne Efrayim ye.+
14 Bãmb na n fõd n siga Filisti nebã soolmã sigdsã sẽn be nin-taoorã.B na n naaga taab n fã Yaang nebã.
Bãmb na n tẽega b nug n zab ne Edom+ la Mowaabe,+la b na n sooga Amon nebã.+
15 A Zeova na n welga* Ezɩpt mogrã babg a yembre,+la a tẽeg a nug n tees Kʋɩlgã.*+
Yẽ na n kʋɩɩsa kʋɩlgã ko-soay a yopoe wã ne a noorã pems-tʋʋlgã,la a kɩt tɩ neb wid b neooda n pɩʋʋg-a.
16 So-kõodr+ n na n yi Asiiri a nin-buiidã kellã b sẽn basã yĩnga,+wa sẽn yɩ to-to ne Israyɛll nebã, daar ning b sẽn yi Ezɩptã.
