Yɩɩn-sõamyã sebre 94:1-23
94 Zeova sẽn yaa mam Wẽnnaam sẽn dokd sũuri,+mam Wẽnnaam sẽn dokd sũuri, kɩt-y tɩ y vẽenemã yãge!
2 Dũniyã Bʋ-kaooda,+ yik-y-yã.
Rol-y waoog-m-mens rãmbã bũmb ning b sẽn segd ne wã.+
3 Zeova, na n taa dabʋre?Nin-wẽnsã na n kell n maana sũ-noog hal tɩ ta dabʋre?+
4 B gomda yaare, la b gomd wuk-m-meng goama.Tʋʋm-wẽns-maandbã fãa wukda b mense.
5 Zeova, b namsda yãmb nin-buiidã,+la b weoogd yãmb pʋɩɩrã.
6 B kʋʋda pʋg-kõapã ne sãambã,la b kʋʋd kɩɩbsã* me.
7 B yetame: “A Zah pa ne ye.+A Zakoob Wẽnnaamã pa get rẽ ye.”+
8 Yãmb a neb sẽn pa tagsde, wʋm-y bõn-kãngã võore.Yãmb a yalemba, rabʋr la yãmb na n yaa n paam yam?+
9 Soab ning sẽn maan* tʋbrã pa tõe n wʋm sɩda?
Soab ning sẽn maan nifã pa tõe n yã sɩda?+
10 Soab ning sẽn demsd buud toɛy-toɛyã pa tõe n wilg ned a kongr la?+
Yẽ n yaa Soab ning sẽn kõt ninsaalbã bãngrã!+
11 A Zeova mii ninsaalbã tagsa wã.A miime tɩ b yaa pemsem bala.+
12 Zah, sũ-noog soab la ned ning yãmb sẽn demsde,+yãmb sẽn zãmsd a soab y tõogã+
13 sẽn na yɩl t’a zĩnd bãan yel-beed wakate,hal tɩ b wa tuk bok nin-wẽnsã yĩnga.+
14 Bala a Zeova pa na n yĩm a nin-buiidã yelle,+wall a raag a pʋɩɩrã n bas ye.+
15 Bala bʋʋdã kaoob na n le yɩɩ tɩrg yɛsa.Neb nins fãa sũy sẽn yaa tɩrsã na n saka rẽ.
16 Ãnda n na n yik n zab ne nin-wẽnsã n kõ-ma?
Ãnda n na n zĩnd mam poorẽ n zab ne tʋʋm-wẽns-maandbã?
17 A Zeova sã n da pa yɩẽ mam sõangda,mam* da na n sãamẽ-la* tao-tao.+
18 Zeova, mam sẽn wa n yeel tɩ “mam naoorã salgdame” wã,
yãmb maan-neerã ra ket n teenda maam.+
19 Yɩɩrã sẽn wa n loog maamã,*yãmb belsa maam la y kɩt tɩ m yam gãand bãane.*+
20 Yãmb pa na n tol n naag nanambs* sẽn yaa wẽns n tʋme,bala b magdame n na n tũnug ne tõogã* n wa ne zu-loeese.+
21 B zabda ne nin-tɩrg* ne toolem,+la b kaood bʋʋm soab bʋʋdo, n yetẽ t’a segda ne kũum.*+
22 La a Zeova na n lebga mam soondg zĩig meng-menga.Mam Wẽnnaamã yaa pĩig kugr sẽn yaa mam soondg zĩiga.+
23 A na n kɩtame tɩ nin-wẽnsã tʋʋm-wẽnsã lebg n leb b zutu.+
A na n kɩtame tɩ b mensã wẽnem menes-ba.*
Tõnd Wẽnnaam a Zeova na n menes-b lame.+
Vẽnegr toor-toore
^ Ebre, “kamb nins sẽn pa tar ba-rãmbã.”
^ Ebre, “sel.”
^ Bɩ, “mam sɩɩgã.”
^ Ebre, “zĩnda zĩig sẽn yaa sɩddd.”
^ Bɩ, “lebg wʋsg mam pʋgẽ wã.”
^ Bɩ, “yãmb belsgã kɩtame tɩ mam sɩɩgã yam gãand bãane.”
^ Bɩ, “bʋ-kaoodb.” Ebre, “geer.”
^ Bɩ, “n na n yiis noor.”
^ Bɩ, “nin-tɩrg sɩɩg.”
^ Ebre, “la b yetẽ tɩ bʋʋm soab zɩɩm tara taale (yaa wẽnga).”
^ Ebre, “kɩt tɩ b sĩndi.”
