Yɩɩn-sõamyã sebre 92:1-15
Yɩɩlle. Yaa Vʋʋsg daarã yɩɩlle.
92 Yaa sõma tɩ d pʋʋs yãmb a Zeova barka,+tɩ d yɩɩl n pẽg yãmb a Sẽn ka-a to wã yʋʋre,
2 tɩ d moond yãmb maan-neerã+ yibeoogo,la yãmb kɩs-sɩdã yʋng fãa
3 ne yʋʋm-teoog sẽn tar riss piiga, ne kʋndla ne pɛndg+ rãamd sẽn noome.
4 Bala ne yãmb tʋʋmã, yãmb kɩtame tɩ mam kɩdem sũ-noogo, Zeova.Yãmb nusã tʋʋm yĩnga, mam kaasda ne sũ-noogo.
5 Zeova, yãmb tʋʋmã sɩd yaa kãsemse!+
Yãmb tagsa wã sɩd zulma wʋsgo!+
6 Zɩt baa a ye pa tõe n bãng-b ye.Yalem baa a ye pa tõe n wʋm bõn-kãngã võor ye:+
7 Nin-wẽnsã sã n wa piuugd wa nadense,*tɩ tʋʋm-wẽns-maandbã ningd puudu,wilgdame tɩ b na n sãam-b-la wakat fãa yĩnga.+
8 La yãmb zẽka wakat fãa yĩnga, Zeova.
9 Sɩd me, ges-y yãmb bɛɛbã lʋɩɩse, Zeova.Ges-y yãmb bɛɛbã sẽn na n sãam to-to wã.Tʋʋm-wẽns-maandbã fãa na n sãeegame.+
10 La yãmb na n paasa mam pãngã wa we-naaf pãnga.*Mam na n zaee m yĩn-gãongã ne kaam sẽn yaa sõma.+
11 Mam ninã na n gesa m bɛɛbã lʋɩɩse.+Mam tʋbã na n wʋmame tɩ b gomd nin-wẽns nins sẽn zabd ne maamã lʋɩɩs yelle.
12 La nin-tɩrsã na n ninga puud wa koanga,n lebg bɛd wa sɛɛdr tɩɩg sẽn be Libã.+
13 B sel-b-la a Zeova roogẽ wã.B bee tõnd Wẽnnaamã samanẽ wã n ningd puudu.+
14 Baa b kʋʋlem wakate,* b na n ket n womda biisi.+B na n kell n talla pãnga,* n yaa maasa,+
15 n moondẽ t’a Zeova yaa tɩrga.
Yẽ yaa mam Pĩig kugri.+ Sẽn pa tɩrg baa bilf pa be a pʋgẽ ye.
Vẽnegr toor-toore
^ Bɩ, “moodo.”
^ Ebre, “zẽka mam yɩɩllã wa we-naaf yɩɩlle.”
^ Bɩ, “zoob-peend wakate.”
^ Ebre, “kell n nobame.”
