Yɩɩn-sõamyã sebre 88:1-18
A Koore+ kom-dibli wã yɩɩlle. Yɩɩlã taoor soab yĩnga. Segd n wẽeme tɩ zems Mahalate.* B segd n yɩɩndame ndeesd taaba. A Zeera yageng a Heman maskɩlle.*+
88 Mam Wẽnnaam a Zeova sẽn yaa mam fãagda,+wĩndga, mam kelemd n boonda yãmba.Yʋngo, mam wata yãmb taoore.+
2 Bɩ mam pʋʋsgã ta yãmba.+Kɩll-y y tʋbr n kelg* mam sẽn kelemd n kot sõngrã.+
3 Bala mam vɩɩmã* pida ne zu-loeese.+Mam* bee Yaoogã* noore.+
4 B zoe n sõta maam n naagd sẽn sigd-b bokẽ* wã.+Mam lebga ned sẽn pa tar sõangda,*+
5 ned b sẽn bas kũ-rãmb sʋkwa neb b sẽn kʋ tɩ b gãe yaoogẽ,tɩ yãmb pa le tẽr b yelle,la sẽn pa le paamd tɩ yãmb get b yellã.*
6 Yãmb ninga maam bok ning sẽn yaa zulung n yɩɩdã pʋgẽ,zĩis sẽn yaa lik pʋgẽ, bog-zulung sẽn yaa yaleng pʋgẽ.
7 Yãmb sũ-puugrã zɩsa wʋsg mam zugu.+Yãmb kɩtame tɩ y ko-pɛmã sẽn tar pãng wʋsgã lim maam. (Sela)
8 Yãmb riga mam mitinsã tɩ b zãag ne maam.+Yãmb kɩtame tɩ b kis maam.
Bẽdg n yõk maam, tɩ m pa tõe n fãag m meng ye.
9 Mam namsgã kɩtame tɩ m ninã pãng booge.+
Zeova, mam boonda yãmb daarã tõre.+Mam tẽega m nus n tees yãmba.
10 Yãmb na n maana yel-soalem kũ-rãmbã yĩng bɩ?
Sẽn ki-b n pa le tõe n maan bũmbã tõe n yikame n pẽg yãmb sɩda?+ (Sela)
11 B na n moona yãmb maan-neerã yaoogã pʋgẽ sɩda?B na n moona yãmb kɩs-sɩdã sãoongã zĩigẽ* bɩ?
12 B na n bãnga yãmb tʋʋm-kãsemsã likẽ wã,wall yãmb tɩrlmã yĩmbã soolmẽ bɩ?+
13 La Zeova, mam ket n kelemd n kota yãmb sõngre.+Yibeoog fãa, mam pʋʋsgã wata yãmb taoore.+
14 Zeova, bõe yĩng tɩ yãmb raag maam* n base?+
Bõe yĩng tɩ yãmb solg maam y nengã?+
15 Hal mam yãadmẽ,mam paamda namsgo, hal n dat n ki.+Yel-kɛgems nins yãmb sẽn bas tɩ paam maamã kɩtame tɩ m koms raood wʋsgo.
16 Yãmb sũ-puugrã sẽn yaa wʋsgã looga maam.+Yãmb sẽn kẽesd maam rabeemã sãamda maam.
17 Rabeemã gũbgda maam wa koom daarã tõre.Rabeemã gũbgda maam zĩig fãa.*
18 Yãmb riga mam zo-rãmbã ne m tũud-n-taasã tɩ b zãag ne maam.+Yaa lik n lebg mam tũud-n-taaga.
Vẽnegr toor-toore
^ Ges-y gom-biis võor bilgrã zĩigẽ.
^ Ges-y gom-biis võor bilgrã zĩigẽ.
^ Bɩ, “Sulg-y n kelg-y.”
^ Bɩ, “mam sɩɩgã.”
^ Ebre, “Mam vɩɩmã.”
^ Ges-y gom-biis võor bilgrã zĩigẽ.
^ Bɩ, “wa ned sẽn pa tar pãnga.”
^ Bɩ, “yaoogẽ.”
^ Ebre, “paamd yãmb nugã.”
^ Bɩ, “Abadõ wã pʋgẽ.”
^ Bɩ, “mam sɩɩgã.”
^ Pa rẽ bɩ, “wakat-yɛnga.”
