Yɩɩn-sõamyã sebre 81:1-16
Yɩɩlã taoor soab yĩnga. Yɩɩnda ne Gititi.* A Azaf yɩɩlle.+
81 Kaas-y ne sũ-noog Wẽnnaam sẽn yaa tõnd pãngã yĩnga.+
Kils-y-yã a Zakoob Wẽnnaamã, a tõogrã yĩnga.
2 Wẽ-y yʋʋm-teedo. Rɩk-y bembengo,*pɛndg sẽn wẽed tɩ noomẽ, n paas yʋʋm-teoog sẽn tar rissi.
3 Peeb-y baorg ki-paalgã sasa,+ki-pɛɛlgã sasa, tõnd tigrã daar yĩnga.+
4 Bala yaa noor b sẽn kõ Israyɛlle,noor a Zakoob Wẽnnaamã sẽn kõ.+
5 A lugl-a lame tɩ yɩ bũmb a Zozɛf yagensã sẽn segd n tẽegdẽ.+Yɩɩ wakat ning a sẽn yi n na n zab ne Ezɩpt soolmã.+
Mam wʋma koɛɛg* m sẽn pa bãnge:
6 “Mam zẽka zɩɩbã n bas a bãokã.+Mam deega peoogã a nusẽ.
7 Fo yel-pakrã pʋgẽ, fo boola maam, tɩ mam fãag foo.+Mam paa sawad-taokã* pʋgẽ n leok foo.+
Mam maka foo Meriba* koomã zĩigẽ.+ (Sela)
8 Mam neba, kelg-y tɩ m na n kõo kaset n ning-y taale.
Israyɛll neba, yãmb sã n da tõe n kelgẽ maam!+
9 Wẽn-zẽng pa na n zĩnd yãmb sʋk ye.Yãmb pa na n wõgemd wẽn-sãang taoor ye.+
10 Maam a Zeova yaa yãmb Wẽnnaam,soab ning sẽn yiis yãmb Ezɩpt soolmẽ wã.+
Yaag-y y noyã yalenga, tɩ m na n pids-b lame.+
11 La mam nin-buiidã pa kelg mam koɛɛgã ye.Israyɛll nebã pa tʋll n sak maam ye.+
12 Rẽ n so tɩ mam bas-b tɩ b pʋg b sũyã sẽn diglmã.B maana bũmb ning b sẽn tagsd tɩ yaa tɩrgã.*+
13 Mam nebã sã n da kelgdẽ-la maam!+Israyɛll nebã sã n da tũudẽ-la mam soayã!+
14 Mam da na n zaba ne b bɛɛbã n tõog-b tao-tao.Mam da na n wẽnemda m nugã n zab ne b zabd-n-taasã.+
15 Neb nins sẽn kis a Zeova wã na n sulga b zut a taoor ne rabeem.B baasgã* na n yɩɩ wakat fãa yĩnga.
16 La Wẽnnaam na n dɩlga yãmb* ne bɩle sẽn yaa sõma n yɩɩda,*+la a kɩt tɩ y rɩ pĩig kugr sɩɩd n tɩge.”+
Vẽnegr toor-toore
^ Ges-y gom-biis võor bilgrã zĩigẽ.
^ Yaa bũmb sẽn wõnd gãngaoogo, tɩ b zãad ne nug n pãbda.
^ Bɩ, “buud-gomd.”
^ Ebre, “sa-tãsã zĩ-soalgdgã.”
^ Rat n yeel tɩ “Zabre.”
^ Ebre, “B kẽna wa sẽn zems b saglsã.”
^ Ebre, “wakatã.”
^ Ebre, “yẽ,” rat n yeel tɩ Wẽnnaam nin-buiidã.
^ Ebre, “bɩle kaam.”
