Yɩɩn-sõamyã sebre 80:1-19
Yɩɩlã taoor soab yĩnga. Yɩɩndame tɩ zems “Rulg-lɛlma.” Tẽegr yĩnga. A Azaf yɩɩlle.+
80 Israyɛll pe-kɩɩma, kelg-y-yã.Yãmb n yaa soab ning sẽn wilgd a Zozɛf yagensã sor wa rũmsã.+
Yãmb a soab ning sẽn zĩ naam geer zugu, seribẽ-rãmbã zugẽ wã,*+kɩt-y tɩ y vẽenemã yãge.
2 Wilg-y y pãn-kãsengã+Efrayim ne Bẽnzame la Manase buudã taoore.Wa n fãag-y tõndo.+
3 Mam Wẽnnaam, reeg-y tõnd yɛsa.+Bɩ yãmb nengã vẽenem yãg tõnd zugu, sẽn na yɩl tɩ d paam fãagre.+
4 Wẽnnaam a Zeova sẽn yaa tãb-biis naaba, yãmb na n puuga y sũurã, n zãgs tɩ y kõn kelg y nin-buiidã pʋʋsg hal n ta dabʋre?+
5 Yãmb kɩtame tɩ nintãm lebg b rɩɩbo.*Yãmb kɩtame tɩ b yũud nintãm wʋsgo.
6 Yãmb basame tɩ tõnd yagsã zabd taab tõnd poorẽ.Tõnd bɛɛbã laada tõnd wa b sẽn date.+
7 Mam Wẽnnaam sẽn yaa tãb-biis naaba, reeg-y tõnd yɛsa.Bɩ yãmb nengã vẽenem yãg tõnd zugu, sẽn na yɩl tɩ d paam fãagre.+
8 Yãmb yiisa viyn tɩɩg+ Ezɩpti.
Yãmb riga bu-zẽmsã la y sel-a.+
9 Yãmb manega zĩig a yĩnga.A kɩɩ yẽga, n tão n pid soolmã.+
10 A maasmã luda tãensã,t’a wilã lud Wẽnnaam sɛɛdr tɩɩsã.
11 A wilã tãoome hal n tãag mogrã,t’a tobendã tãag Kʋɩlgã.*+
12 Bõe yĩng tɩ yãmb lub viyn pʋʋgã lals sẽn me ne kugã,+tɩ neb nins fãa sẽn tũud be wã yãkd a biisã?+
13 Kãgrã retã* sãamd-a lame,tɩ we-rũmsã wãbd-a.+
14 Mam Wẽnnaam sẽn yaa tãb-biis naaba, m bõos tɩ y lebg n wa.
Pa-y saasẽ n sulg n gese, n yã bũmb ning sẽn maandã!
Ges-y y viyn tɩɩgã yelle.+
15 Yaa tɩɩg ning yãmb sẽn da sel ne y nug-rɩtgã.+Ges-y biigã* yãmb sẽn kɩt t’a paam pãng yãmb yĩngã.+
16 B yõog-a-la bugum+ la b kɛɛg-a n lubi.
Yãmb sã n tãs fãa, nin-buiidã sãamdame.
17 Bɩ yãmb nugã teel rao ning sẽn be yãmb nug-rɩtgã,ãdem-biig ning yãmb sẽn kɩt t’a paam pãng yãmb yĩngã.+
18 Woto, tõnd pa na n wẽnemd n bas yãmb ye.
Kogl-y tõnd vɩɩmã, sẽn na yɩl tɩ d pʋʋs ne yãmb yʋʋrã.
19 Wẽnnaam a Zeova sẽn yaa tãb-biis naaba, reeg-y tõnd yɛsa.Bɩ yãmb nengã vẽenem yãg tõnd zugu, sẽn na yɩl tɩ d paam fãagre.+
Vẽnegr toor-toore
^ Pa rẽ bɩ, “sʋkã.”
^ Ebre, “buri.”
^ Rat n yeel tɩ Efrate.
^ Yaa we-rũng sẽn wõnd kurkuri.
^ Bɩ, “willã.”
