Yɩɩn-sõamyã sebre 74:1-23
A Azaf maskɩlle.*+
74 Mam Wẽnnaam, bõe yĩng tɩ yãmb raag tõnd n bas wakat fãa yĩnga?+
Bõe yĩng tɩ yãmb sũurã puud wʋsg ne rũmsã sẽn be y rũmsã wãbneg zĩigẽ wã?+
2 Tẽeg-y nin-buiidã* y sẽn yãk hal daar zãrã yelle.+Tẽeg-y buud ning yãmb sẽn fãag tɩ lebg y pʋɩɩrã yelle.+
Tẽeg-y Siyõ tãngã yelle, zĩig ning yãmb sẽn da be wã.+
3 Wẽnemd-y y neng n ges zĩis nins b sẽn sãam zãngã.+
Bɛyã sãama bũmb fãa zĩ-sõngã pʋgẽ.+
4 Yãmb bɛɛbã kaasa yãmb tigsgã zĩigẽ.*+
B lugla b tãb-kaoã beenẽ tɩ yɩ bãna.
5 B ra yaa wa neb sẽn tar lay n kɛɛd kãgr tɩɩs sẽn yaa wʋsgo.
6 B wãa a zĩis nins sẽn nagsã fãa+ ne lay la kud-bɩlma.
7 B ninga yãmb doogã bugum.+
B sãama yãmb sɛk-roogã yãmb yʋʋrã sẽn be a zugã, n tus-a n lubi.
8 Bãmb ne b kambã la b yagensã yeela b sũyẽ yaa:
“Tõnd na n yõoga Wẽnnaam tigsgã zĩis fãa* sẽn be soolmã pʋgẽ wã.”
9 Bãnd kae tõnd sẽn na n yã ye.No-rɛɛs baa a ye ka le be ye.Tõnd sʋkã ned baa a ye pa mi rẽ sẽn na n kaoos to-to ye.
10 Mam Wẽnnaam, bɛyã na n kell n tʋʋme n ta dabʋre?+
A na n kell n paooga yãmb yʋʋrã wakat fãa yĩng bɩ?+
11 Bõe yĩng tɩ yãmb foog y nugu, y rɩtg nugã?+
Yiis-y y nugã y yãoogẽ wã, n sãam-b zãnga.
12 La Wẽnnaam sɩng n yaa mam Rĩm hal sẽn kaoose.Yẽ n yaa soab ning sẽn wat ne fãagr tẽngã zugã.+
13 Yãmb gudga mogrã ne yãmb pãngã.+Yãmb bedsa mogrã pʋgẽ bõn-bãnã zut koomã pʋgẽ.
14 Yãmb wãa Leviatã* wã zutã.Yãmb dɩk-a lame n kõ tɩ yɩ nebã rɩɩbo, neb nins sẽn be we-rasempʋɩɩsẽ wã.
15 Yãmb paka soay ko-bundsã ne kʋɩlsã yĩnga.+Yãmb kʋɩɩsa kʋɩls koom sẽn da pa sate.+
16 Wĩndg ne yʋng yaa yãmb n so.
Yãmb n maan vẽenemã ne wĩntoogã.+
17 Yãmb yãka tẽngã tods fãa.+Yãmb n maan sẽoog la sɩpaolgo.*+
18 Zeova, tẽeg-y bɛyã tʋyã yelle.Tẽeg-y buud ning neb sẽn yaa yalembã sẽn paoogd yãmb yʋʋrã to-to wã.+
19 Ra rɩk-y yãmb wallã vɩɩm* n kõ we-rũmsã ye.
Ra yĩm-y yãmb nebã sẽn namsdã vɩɩm yell wakat fãa yĩng ye.
20 Tẽeg-y kaoolã yelle,bala dũniyã zĩis nins sẽn yaa likã fãa lebga nen-kɛglem dãmb zĩisi.
21 Bɩ ned ning b sẽn namsdã ra lebg ne yãnd ye.+Bɩ nimbãan-ned ne naong soab pẽg yãmb yʋʋrã.+
22 Mam Wẽnnaam, yik-y n wilg-y tɩ y pa tar taal ye.
Tẽeg-y yalembã sẽn tʋʋd yãmb to-to daarã tõrã yelle.+
23 Ra yĩm-y bɛɛbã sẽn yet bũmb ningã ye.
Neb nins sẽn kɩɩsd yãmbã bʋʋr zẽkda wakat fãa.
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “yãmb tigingã.”
^ Bɩ, “yãmb tigis-kãsengã zĩigẽ.”
^ Bɩ, “zĩis nins fãa b sẽn waoogd Wẽnnaamã.”
^ Ges-y gom-biis võor bilgrã zĩigẽ.
^ Bɩ, “tʋʋlg wakat la waood wakate.”
^ Bɩ, “sɩɩg.”
