Yɩɩn-sõamyã sebre 7:1-17
-
A Zeova yaa bʋ-kaood sẽn yaa tɩrga
-
“Zeova, kao-y mam bʋʋdo” (8)
-
Sũ-sãang yɩɩll* a Davɩɩd sẽn yɩɩl a Zeova yĩnga, Bẽnzame buudã ned a Kuus goamã wɛɛngẽ.
7 Mam Wẽnnaam a Zeova, yaa yãmb nengẽ la mam solg-yã.+
Fãag-y maam neb nins fãa sẽn namsd maamã nusẽ.+
2 Sã n pa rẽ, b na n tɛɛ maam* n tõs wa gɩgemd sẽn maand to-to wã,+n vu maam n loog tɩ ned kae n fãagd-m ye.
3 Mam Wẽnnaam a Zeova, sã n mikame tɩ mam tara taal yel-kãngã pʋgẽ,mam sã n maana sẽn pa tɩrga,
4 mam sã n beega sẽn maand-a maam neere,+wall m sã n zɛɛ m bɛyã teed zaalem,*
5 bɩ bɛ rig maam* hal n tɩ yõke.Bɩ a yõk maam* n fabg tẽng n tabe,la a kɩt tɩ m ziirã sãam tomẽ wã. (Sela)
6 Zeova, yik-y y sũ-puugrã pʋgẽ.Yik-y n zab-y ne neb nins sũy sẽn puud ne maam la sẽn kis maamã.+Yik-y n sõng-y maam, la y kɩt tɩ b kao bʋʋd tɩrga.+
7 Bɩ buud toɛy-toɛyã neb gũbg yãmba.Yãmb na n paa yĩngr n zab ne-ba.
8 A Zeova na n kaoo buud toɛy-toɛyã bʋʋdo.+
Zeova, kao-y mam bʋʋd wa sẽn zems m tɩrlmã,la wa sẽn zems m burkĩndã.+
9 M bõos tɩ y kɩt tɩ nin-wẽnsã tʋʋm-wẽnsã sa,
la y sõng nin-tɩrsã,+bala yãmb yaa Wẽnnaam ning sẽn yaa tɩrga,+ sẽn feesd sũy+ la tagsa nins sẽn zulmã.*+
10 Wẽnnaam yaa mam gãongo.+ A yaa sũ-tɩrs rãmbã Fãagda.+
11 Wẽnnaam yaa bʋ-kaood sẽn yaa tɩrga.+Wẽnnaam moonda a bʋ-kaoorã koees daar fãa.
12 Ned sã n pa na n tek yam,+ a saasda a sʋʋgã.+A yãagda a tãpã n dat n tão.+
13 A segenda a zab-teedã sẽn kʋʋdã.A segenda a pɛɛmã sẽn wit bugmã.+
14 Ges-y sẽn tar-a wẽnem pʋgã.A rɩka zu-loɛɛg pʋga, n na n dog zirẽ-beedo.+
15 A tuuda boko, hal n maan tɩ yaa zulunga,la a na n wẽneg n lʋɩɩ bok ning a sẽn tu wã pʋgẽ.+
16 Zu-loɛɛg ning a sẽn wa ne wã na n wẽneg n waa a meng zugu.+A nen-kɛglem tʋʋmã na n lebg n lʋɩɩ a meng zugu.
17 Mam na n pẽga a Zeova a tɩrlmã yĩnga.+Mam na n yɩɩlame n pẽg a Zeova+ sẽn yaa Sẽn ka-a to wã+ yʋʋre.
Vẽnegr toor-toore
^ Bɩ, “kʋʋr yɩɩll.”
^ Bɩ, “mam sɩɩgã.”
^ Pa rẽ bɩ, “n yaool n bas ned ning sẽn zabd ne maam zaalmã taale.”
^ Bɩ, “mam sɩɩgã.”
^ Ebre, “mam vɩɩmã.”
^ Bɩ, “n feesd sũy la yiima.”
