Yɩɩn-sõamyã sebre 64:1-10
-
Ned sẽn paam koglg b sẽn solg n zabd ne-a yĩnga
-
“Wẽnnaam na n tão-b-la ne peemde” (7)
-
Yɩɩlã taoor soab yĩnga. A Davɩɩd yɩɩlle.
64 Mam Wẽnnaam, wʋm-y mam koɛɛgã m sẽn wat n kot sõngre.+
Kogl-y mam vɩɩmã ne rabeem ning bɛyã sẽn wat ne wã.
2 Kogl-y maam ne nin-wẽnsã sẽn soosd n magd bũmb ninsã.+Kogl-y maam ne tʋʋm-wẽns-maandb kʋʋngã.
3 B saasda b zɩlemdã wa sʋʋga.B yiisda gom-wẽns wa neb sẽn ning pɛɛm tãpẽ,
4 n na n pa zĩig ning b sẽn solgã n tão ned sẽn pa tar yelle.B tãood-a-la zĩig pʋgẽ n pa zoe rabeem ye.
5 B gãda b mag-wẽngã kãn-kãe.*B yẽsda ne taab b sẽn na n solg b bẽdsã to-to.
B sokdame yaa: “Ãnda n na n yã-ba?”+
6 B baooda yam-paal n na n maan wẽnga.B maana sɩlem n mag n na n maan sẽn yaa wẽnga, n solg rẽ.+B ned kam fãa sũurã tagsa zulum pa tõe n bãng n mak ye.
7 La Wẽnnaam na n tão-b-la ne peemde.+Peemd n na n pogl-b zĩig pʋgẽ.
8 Bãmb mensã zɩlemd n na n wa ne b lʋɩɩse.+Neb nins fãa sẽn na n ges bõn-kãngã na n gira b zutu.
9 Dẽ, nebã fãa na n yɛɛsame,n moon bũmb ning Wẽnnaam sẽn maanã.B na n wʋma Wẽnnaam tʋʋmã võore.+
10 Nin-tɩrg na n kɩdma sũ-noog a Zeova pʋgẽ, la a soond a nengẽ.+Neb nins fãa sũy sẽn yaa tɩrsã na n kɩdma sũ-noogo.*
