Yɩɩn-sõamyã sebre 59:1-17
Yɩɩlã taoor soab yĩnga. Segd n yɩɩlame tɩ zems “Ra sãam ye. ”A Davɩɩd yɩɩlle.* Yɩɩ wakat ning a Sayull sẽn tʋm rap tɩ b tɩgũ a Davɩɩd zakã sẽn na yɩl tɩ b paam-a n kʋ wã.+
59 Mam Wẽnnaam, fãag-y maam m bɛɛbã nusẽ.+Kogl-y maam ne neb nins sẽn yik n na n zab ne maamã.+
2 Fãag-y maam neb nins sẽn tʋmd tʋʋm-wẽnsã nusẽ,la y fãag-m nen-kɛglem dãmbã* nusẽ.
3 B solgame n gũud maam.*+Zeova, pãens rãmb n zabd ne maam,la pa mam sẽn kɩɩs wall m sẽn maan yel-wẽnd yĩng ye.+
4 Baa mam sẽn pa maan wẽngã, b segenda b mens tao-tao n na n zab ne maam.
Mam sã n bool yãmb n kos sõngre, bɩ y yik n sõng maam, la y ges b sẽn maand bũmb ningã.
5 Bala yãmb a Wẽnnaam a Zeova sẽn yaa tãb-biis naabã n yaa Israyɛll Wẽnnaamã.+
Yik-y n ges-y buud toɛy-toɛyã fãa neb sẽn maand bũmb ninsã.
Ra zoe-y zãmb dãmbã sẽn yaa nin-wẽnsã ned baa a ye nimbãaneg ye.+ (Sela)
6 B lebgd n wata zaabr fãa.+B wũunda* wa baase,+ la b gilgd tẽngã.+
7 Ges-y bũmb ning sẽn yit* b noorẽ wã n daagdẽ wã.B no-bɩmsã yaa wa sʋʋse.+Bala b sokdame yaa: “Ãnd n kelgde?”+
8 La yãmb a Zeova, yãmb na n la-b lame.+Yãmb na n yaala buud toɛy-toɛyã fãa.+
9 Mam Pãnga, mam na n kell n gũu yãmba.+Bala Wẽnnaam yaa mam soondg zĩig meng-menga.+
10 Wẽnnaam ning sẽn maand maam neerã na n wa sõnga maam.+Wẽnnaam na n kɩtame tɩ m yã m bɛɛbã lʋɩɩse.+
11 Ra kʋ-y-ba, tɩ mam nin-buiidã wa yĩm ye.
Tall-y y pãngã n kɩt tɩ b yeebe.Zeova sẽn yaa tõnd gãongo,+ kɩt-y tɩ b lʋɩ.
12 B noorã yel-wẽndã la b no-bɩmsã goam yĩnga,bɩ b wuk-m-mengã yõk-b wa bẽdga,+b sẽn kãabd wẽng la b gomd zãmb goamã yĩnga.
13 Yãmb sũ-puugrã pʋgẽ, bɩ y kʋ-b n baase.+Bɩ y kʋ-b n baas tɩ b ra le zĩnd ye.Kɩt-y tɩ b bãng tɩ Wẽnnaam rɩta naam a Zakoob yagensã zutu, la dũniyã tɛk fãa.+ (Sela)
14 Bɩ b lebg n wa zaabre.Bɩ b wũun* wa baase, la b gilg tẽngã.+
15 Bɩ b yeeb n bao rɩɩbo.+Ra bas-y tɩ b rɩ n tɩge, wall b paam gãag zĩig ye.
16 La sã n yaa ne maam, mam na n yɩɩlame n gom yãmb pãngã yelle.+Yibeoogo, mam na n goma yãmb maan-neerã yell ne sũ-noogo.
Bala yãmb yaa mam soondg zĩig meng-menga,+la zĩig mam sẽn tõe n zoe n kẽng m yel-pakr sasa.+
17 Mam Pãnga, yaa yãmb la mam na n yɩɩl n pẽge,+bala Wẽnnaam yaa mam soondg zĩig meng-menga. Yaa Wẽnnaam ning sẽn maand maam neerã.+
Vẽnegr toor-toore
^ Ebre, “miktam.” Tõe tɩ rat n yeelame tɩ “gʋlsem.”
^ Bɩ, “zɩɩm ko-yũud sẽn tar b rãmbã.”
^ Bɩ, “mam sɩɩgã.”
^ Bɩ, “wesda.”
^ Bɩ, “bund.”
^ Bɩ, “wes.”
