Yɩɩn-sõamyã sebre 54:1-7
-
Ned sẽn pʋʋsd n kot sõngre, a sẽn wat n be a bɛɛb sʋka
-
“Wẽnnaam yaa mam sõangda” (4)
-
Yɩɩlã taoor soab yĩnga. Segd n yɩɩla ne yʋʋm-teed sẽn tar rissi. Maskɩlle.* A Davɩɩd yɩɩlle. Yɩɩ wakat ning Zɩf nebã sẽn wa n kẽa Sayull nengẽ n yeel-a yaa: “A Davɩɩd solga tõnd nengẽ.”+
54 Mam Wẽnnaam, fãag-y maam ne yãmb yʋʋrã.+Zab-y n sõng-y maam+ ne yãmb pãngã.
2 Mam Wẽnnaam, wʋm-y mam pʋʋsgã.+Kelg-y mam noorã goam.
3 Bala sãamb n yik n na n zab ne maam.Nin-toos n baood n yãk mam yõorã.*+
B toog ka be ne Wẽnnaam ye.*+ (Sela)
4 Wẽnnaam yaa mam sõangda.+A Zeova bee ne sẽn teend-b maamã.*
5 A na n keoo mam bɛɛbã+ ne b mens wẽnem.Yãmb sẽn yaa sɩd soabã yĩnga, bɩ y kɩt tɩ b meneme.*+
6 Mam na n maana maand n kõ yãmb+ ne yamleoogo.
Zeova, mam na n pẽga yãmb yʋʋrã, bala a yaa sõma.*+
7 Bala yãmb fãagda maam yel-pakr buud fãa pʋgẽ.+Mam na n gesa m bɛɛbã lʋɩɩse.+
Vẽnegr toor-toore
^ Ges-y gom-biis võor bilgrã zĩigẽ.
^ Bɩ, “B pa ningd Wẽnnaam b taoor ye.”
^ Bɩ, “n baood mam sɩɩgã.”
^ Bɩ, “mam sɩɩgã.”
^ Ebre, “tɩ b pa sɩɩ.”
^ Bɩ, “bala woto yaa sõma.”
