Yɩɩn-sõamyã sebre 49:1-20
Yɩɩlã taoor soab yĩnga. A Koore+ kom-dibli wã yɩɩlle.
49 Yãmb a buud toɛy-toɛyã fãa neba, kelg-y-yã.
Yãmb a dũniyã neb fãa, maag-y y yĩng n kelge.
2 Yaa yãmb a nin-kãsems la nin-bõonego,rakãag-rãmb la naong rãmb fãa.
3 Mam mengã noor na n goma yam goama.Mam sũurã tagsg+ na n wilgame t’a tara bãngre.
4 Mam na n maaga m yĩng n kelg yel-bũndi.Mam na n wẽe pɛndga, n wilg m gomdã m sẽn gom ne pagdã võore.
5 Bõe yĩng tɩ m segd n yɛɛs yel-pakr wakate,+wakat ning sẽn baood-b n na n lub maamã sẽn gũbg maam ne b wẽnemã?*
6 Neb nins sẽn teeg b arzɛgsã,+n wukd b mens b arzɛgsã sẽn yaa wʋsg yĩngã+
7 ned baa a ye pa tol n tõe n fãag a to,wall a yao Wẽnnaam yaood n fãag-a,+
8 (Yaood ning b sẽn segd n yao b vɩɩmã* yĩngã yaa wʋsgo,hal tɩ yɩɩd b pãng wakat fãa.)
9 sẽn na yɩl t’a kell n vɩɩmd wakat fãa yĩng n da yã bokã* ye.+
10 B neeme tɩ baa yam soab kiidame.Yalem ne zɩt me sãamdame.+B segd n basa b paoongã ne neb a taaba.+
11 B sũyã sẽn dat yaa b zagsã sẽn na n pa wakat fãa,tɩ b fu-rotã pa zãmaan woo zãmaana.
B rɩka b yʋyã n pʋd zĩis nins b sẽn so wã.
12 La ninsaal buudã fãa, baa a sã n paam waoogre, a pa na n kell n vɩɩmd ye.+A pa são rũmsã sẽn sãamdã ye.+
13 Yalembã baasg na n yɩɩ woto,+n paas neb nins sẽn pʋgd-ba, la sẽn maand sũ-noog ne b gom-vɩɩdã. (Sela)
14 B na n tall-b lame n kẽng Yaoogẽ* wã wa b sẽn kɩɩmd piis to-to wã.
Kũumã n na n kɩɩm-ba.Nin-tɩrsã na n dɩɩ naam b zug+ yibeoogo.
B na n menema zãnga.+B yirã+ na n yɩɩ Yaoogẽ,*+ pa na-yir ye.
15 La Wẽnnaam na n fãaga maam* Yaoogã*+ nugẽ,*bala a na n gãda maam. (Sela)
16 Ra maan dabeem ned sẽn paam arzɛk yĩnga,wall a roogã ziir sẽn paasd yĩng ye.
17 Bala a sã n wa maan kaalem, a pa tõe n zã bũmb n loog ye.+A ziirã pa na n tũ-a n kẽ yaoogẽ wã ye.+
18 A vɩɩmã wakate, a ra pẽgda a menga.*+
(F yɛlã sã n yaa sõma, nebã pẽgd-f lame.)+
19 La baasgo, a na n bʋʋga a yaab-rãmbã.
B pa na n tol n le yã vẽenemã ye.
20 Ned ning sẽn pa wʋmd yãoã võore, baa a sã n paam waoogre,+a pa são rũmsã sẽn sãamdã ye.
Vẽnegr toor-toore
^ Ebre, “kongrã.”
^ Bɩ, “sɩɩgã.”
^ Bɩ, “yaoogã.”
^ Ges-y gom-biis võor bilgrã zĩigẽ.
^ Ges-y gom-biis võor bilgrã zĩigẽ.
^ Bɩ, “mam sɩɩgã.”
^ Ges-y gom-biis võor bilgrã zĩigẽ.
^ Bɩ, “pãngẽ.”
^ Bɩ, “a sɩɩgã.”
