Yɩɩn-sõamyã sebre 48:1-14
Yɩɩlle. A Koore+ kom-dibli wã yɩɩlle.
48 A Zeova yaa kãsenga, n zems ne pẽgr wʋsgtõnd Wẽnnaamã galʋ-tẽngã pʋgẽ, a tãn-sõngã zugu.
2 Siyõ tãngã sẽn be hal rɩtgãyaa neer la zãntlga, n yaa dũniyã tõr sũ-noogo,+la Rĩm-kãsengã galʋ-tẽnga.+
3 A gasdã sẽn tar pãngã pʋsẽ,Wẽnnaam kɩtame tɩ b bãng t’a yaa soondg zĩig meng-menga.+
4 Bala rĩm-dãmb n tigim taaba.*B naaga taab n kolge.
5 B sẽn yã tẽngã, b pɛlengã yɩkame.
B yɛɛsame, n zoe ne rabeem-kãsenga.
6 B sɩnga rigb be.Toog sẽn wõnd pag sẽn wat n dogdẽ toog n yõk-ba.
7 Yãmb kɩtdame tɩ yaang sobg sãamd Tarsiis koom-kogendã.
8 Bũmb ning tõnd sẽn da wʋmd tɩ b gomdã, masã, tõnd mens yãa rẽtãb-biis naab a Zeova galʋ-tẽngẽ wã, tõnd Wẽnnaamã galʋ-tẽngẽ wã.
Wẽnnaam na n kɩtame tɩ galʋ-tẽngã yals kãn-kãe wakat fãa yĩnga.+ (Sela)
9 Mam Wẽnnaam, tõnd tagsda yãmb maan-neerã yell+yãmb doogẽ wã.
10 Mam Wẽnnaam, yãmb pẽgrãtata dũniyã tɛk fãa wa yãmb yʋʋrã.+
Yãmb nug-rɩtgã pida ne tɩrlem.+
11 Bɩ Siyõ tãngã+ kɩdem sũ-noogo.Bɩ Zida tẽnsã* maan sũ-noogo, yãmb bʋ-kaoor toor-toorã yĩnga.+
12 Kẽn-y n gilg-y Siyõ. Gilg-y-yã a tõrã.Sõd-y-yã a gasdã.+
13 Ges-y-yã a lalsã sẽn tar pãngã sõma.+
Maag-y y yĩng n ges a gasdã sẽn tar pãngã,n wa tõog n gom rẽ yell ne zãmaan nins sẽn watã.
14 Bala Wẽnnaam-kãng yaa tõnd Wẽnnaam+ wakat sẽn kõn sa yĩnga.
A na n wilga tõnd sor wakat fãa yĩnga.*+
Vẽnegr toor-toore
^ Bɩ, “n yãk wakat n seg taaba.”
^ Ebre, “kom-pugli wã.”
^ Pa rẽ bɩ, “hal n tãag d kũum.”
