Yɩɩn-sõamyã sebre 4:1-8
Yɩɩlã taoor soab yĩnga. Segd n yɩɩla ne yʋʋm-teed sẽn tar rissi. A Davɩɩd yɩɩlle.
4 Mam Wẽnnaam sẽn yaa tɩrga,+ mam sã n wa bool bɩ y leok-ma.
Pak-y sor* n kõ maam m sũ-sãangã pʋgẽ.
Zoe-y mam nimbãanega, la y kelg m pʋʋsgã.
2 Yãmb a ninsaalb kamba, yãmb na n kɩtame tɩ mam waoogrã lebg paoogr hal tɩ ta dabʋre?
Yãmb na n nonga bũmb nins sẽn pa tar yõodã, la y baood bũmb sẽn yaa ziri hal tɩ ta dabʋre? (Sela)
3 Bãng-y t’a Zeova na n gesa ned ning sẽn maand sɩd ne-a wã yell ne manesem sẽn yaa toor zalle.*Mam sã n bool a Zeova, a na n wʋmame.
4 Yãmb sũur sã n wa yik bɩ y ra maan yel-wẽnd ye.+
Gom-y y sũurẽ, y gãagã zugu, la y kell n sĩndi. (Sela)
5 Kõ-y tɩrlem maando,la y teeg a Zeova.+
6 Neb wʋsg sokdame yaa: “Ãnda n na n kɩt tɩ d yã bõn-sõngo?”
Zeova, kɩt-y tɩ y nengã vẽenem yãg tõnd zutu.+
7 Yãmb pidsa mam sũurã ne sũ-noog sẽn yaa kãsenga,n yɩɩd neb nins sẽn ko n paam kood la divẽ-paalg wʋsgã.
8 Mam na n gãandame n gũs ne laafɩ,+bala yaa yãmb a Zeova bal n kɩt tɩ m zĩ ne bãane.+
Vẽnegr toor-toore
^ Ebre, “Maan-y zĩ-yaleng.”
^ Bɩ, “na n welga ned ning sẽn maand sɩd ne-a wã toor a meng yĩnga.”
