Yɩɩn-sõamyã sebre 39:1-13
Yɩɩlã taoor soab yĩnga. Yɩɩnda ne Yedutun.*+ A Davɩɩd yɩɩlle.
39 Mam yeelame: “Mam na n gũusa ne m yel-manesmã,n da wa maan yel-wẽnd ne m zɩlemdã ye.+
Nin-wẽng sã n wa be m sɛɛgẽ fãa,m na n ninga m noorã yʋko.”+
2 Mam da sĩndame n pa gomd ye.+Baa sẽn yaa sõma wɛɛngẽ, mam da sĩndame,la mam toogã ra yaa wʋsgo.*
3 Mam sũurã ra wɩnga* mam pʋgẽ wã.
Mam sẽn da bʋgsdã,* bugmã ra ket n dɩtame.
Dẽ, mam zɩlemdã yeelame:
4 “Zeova, sõng-y maam tɩ m bãng m baasg sẽn na n yɩ a soaba,la mam rayã sõore,+tɩ m tõog n bãng tɩ m yõorã sɩd yaa koɛɛga.*
5 Sɩd-sɩda, yãmb maana mam rayã tɩ b sõorã yaa bilfu.+Mam yõorã woglem pa baa fʋɩ yãmb taoor ye.+
Sɩd-sɩda, ninsaal buud fãa yaa pemsem bala,+ baa sã n wõnd a zĩi bãane. (Sela)
6 Vẽenega, ninsaal fãa kẽnda wa maasem.
A zoet n yuusda* zaalem bala.
A baooda arzɛk n zamdẽ, n pa mi ned ning sẽn na n dɩ a yõod ye.+
7 Woto wã, bõe la mam na n teege, Zeova?
Yaa yãmb bal la mam teeg-yã.
8 Fãag-y maam m beegrã fãa pʋgẽ.+
Ra bas-y tɩ yalem kɩt tɩ m lebg bũmb b sẽn tar n paoogdẽ ye.
9 Mam kell n sĩndame.Mam pa tõog n yaag m noor ye.+Bala ra yaa yãmb n maand woto.+
10 Yiis-y toogã yãmb sẽn kɩt tɩ wa mam zugã.
Mam yaame, bala yãmb nugã pãbda maam.
11 Yãmb sɩbgda ninsaal a tudgr yĩnga, n demsd-a.+Yãmb rɩta bũmb nins a sẽn bao n bĩngã wa mogd* sẽn maand to-to wã.
Vẽenega, ninsaal fãa yaa pemsem bala.+ (Sela)
12 Zeova, kelg-y mam pʋʋsgã.Kelg-y mam sẽn kelemd n kot sõngrã.+
Ra maan-y wa y pa ne mam nintãmã ye.
Bala mam yaa sãan ne yãmba.+Mam yaa so-toagd sẽn loogde, wa m yaab-rãmbã fãa.+
13 Bas-y m gẽenego, tɩ m tõog n paam sũ-noogo,nand tɩ m ki n pa le beẽ ye.”
Vẽnegr toor-toore
^ Ges-y gom-biis võor bilgrã zĩigẽ.
^ Bɩ, “ra paasame.”
^ Ebre, “lebga tʋʋlg.”
^ Bɩ, “wẽed sirã.”
^ Bɩ, “m pa zaeed loogr ye.”
^ Ebre, “maanda bʋʋr.”
^ Ebre wã gom-bilã bilgda bõn-yɩgdg sẽn dɩt futu.
