Yɩɩn-sõamyã sebre 37:1-40
A Davɩɩd yɩɩlle.
א [Aleph]
37 Ra yik f sũur nin-wẽnsã yĩnga,wall f maan sũ-kiir ne tʋʋm-wẽns-maandbã ye.+
2 B na n kʋɩɩ tao-tao wa moodo,+la b zelg wa mo-maasa.
ב [Beth]
3 Teeg a Zeova, la f maan sẽn yaa sõma.+Zĩnd tẽngã zugu,* la f maan sɩda.+
4 Maan sũ-noog wʋsg a Zeova yĩnga,*t’a na n kõo foo f sũurã sẽn date.
ג [Gimel]
5 Bas t’a Zeova wilg-f sore.+Teeg-a, t’a na n sõng-f lame.+
6 A na n kɩtame tɩ f tɩrlmã yãg wa sõor pukri,la a kɩt tɩ tʋʋm-tɩrs nins f sẽn tʋmã yãg wa wĩnto-sʋk wĩntoogo.
ד [Daleth]
7 Sĩnd a Zeova taoore,+n gũ-a ne f sũur fãa.*
Ra yik f sũur ne nedsẽn tõogd n pidsd a mag-wẽns ye.+
ה [He]
8 Bas sũ-yikri, la f bas sũ-puugri.+Ra yik f sũur n wa maan wẽng ye.
9 Bala b na n menesa nin-wẽnsã,+la neb nins sẽn teeg a Zeova wã na n sooga tẽngã.+
ו [Waw]
10 Keta bilf bala, tɩ nin-wẽnsã pa na n le beẽ ye.+Fo na n gesa zĩig ning b sẽn da be wã,la fo pa na n yã-b ye.+
11 La sik-m-mens rãmbã na n sooga tẽngã.+B na n paama sũ-noog wʋsgo, laafɩ wã sẽn na n yɩ wʋsgã yĩnga.+
ז [Zayin]
12 Nin-wẽng magdame n na n maan nin-tɩrg wẽnga.+A wãbda a yẽna, a sũurã sẽn yik ne nin-tɩrgã yĩnga.
13 La a Zeova na n la-a lame,bala a miime tɩ nin-wẽngã daar na n taame.+
ח [Heth]
14 Nin-wẽnsã wõogda b sʋʋs la b yãagd b tãbdo,n na n kʋ b sẽn namsd b rãmbã la naong rãmbã,la b kʋ sẽn maand-b sẽn yaa tɩrgã.
15 La b sʋʋsã na n wẽneg n kõsa b sũyã.+B na n kaoo b tãbdã.
ט [Teth]
16 Nin-tɩrg sã n tar bilfu, sãoonin-wẽns wʋsg sẽn tar zembala.+
17 Bala nin-wẽnsã kams na n kaoome,la a Zeova na n teela nin-tɩrsã.
י [Yod]
18 A Zeova mii bũmb ning sẽn paamd sẽn pa tar-b taalã.*B rogem-pʋɩɩrã na n kaoosa wakat fãa.+
19 B pa na n paam yãnd yel-beed wakat ye.Kom sasa, b na n paama rɩɩb wʋsgo.
כ [Kaph]
20 La nin-wẽnsã na n sãamame.+A Zeova bɛɛbã na n menema wa rũms wãbneg zĩig neerem sẽn menemd to-to wã.B na n menema wa bug-zõose.
ל [Lamed]
21 Nin-wẽng pengdame, la a pa lebsd ye.La nin-tɩrg yaa nimbãan-zoɛta, la kõata.+
22 Wẽnnaam sẽn ning b rãmb barkã n na n soog tẽngã,la a sẽn kãab b rãmb wẽngã na n sãamame.+
מ [Mem]
23 A Zeova sũur sã n noom ne ned na-kẽndre,+a wilgda a soabã sore.+
24 Baa a soabã sã n lake, a pa na n lʋɩ a nengã zug ye.+Bala a Zeova gãda a nugã.*+
נ [Nun]
25 Mam da yaa bi-bɩɩga, la masã mam kʋʋlame,la mam zɩ n yã tɩ b raag nin-tɩrg n base,+wall nin-tɩrg kamb sẽn bõosd rɩɩb* ye.+
26 Wakat fãa, a sakdame n pengdẽ.+Wẽnnaam na n ninga a kambã barka.
ס [Samekh]
27 Bas wẽnga, la f maan sẽn yaa sõma,+tɩ rẽ la f na n vɩɩmd wakat sẽn kõn sa.
28 Bala a Zeova nonga tɩrlem.A pa na n daag sẽn maand-b sɩd ne-a wã n bas ye.+
ע [Ayin]
B na n paama koglg wakat fãa,+la b na n menesa nin-wẽnsã kamb la b yagense.+
29 Nin-tɩrsã na n sooga tẽngã.+B na n vɩɩmda a zug wakat sẽn kõn sa.+
פ [Pe]
30 Nin-tɩrg noor kõta yam,*t’a zɩlemdã gomd tɩrlem yelle.+
31 A Wẽnnaamã tõog bee a sũurẽ wã.+A sã n wa kẽnda, a naoã pa na n salg ye.+
צ [Tsade]
32 Nin-wẽng maaga a yĩng n get nin-tɩrga,n baood-a n na n kʋ.
33 La a Zeova pa na n bas-a nin-wẽngã nugẽ,+wall a ning-a taal b sã n wa kaood a bʋʋd ye.+
ק [Qoph]
34 Teeg a Zeova, la f tũ a sorã,tɩ rẽ la a na n zẽk foo tɩ f soog tẽngã.
B sã n wa na n menes nin-wẽnsã,+ fo na n yãa rẽ.+
ר [Resh]
35 Mam yãa nin-toaaga, nin-wẽngsẽn yɛdgd wa tɩɩg sẽn be zĩig ning a sẽn yi wã t’a vãadã yaa wʋsgo.+
36 La zĩig pʋgẽ, a menemame n pa le beẽ ye.+Mam da tara a gẽesgo, la b pa le tõe n yã-a ye.+
ש [Shin]
37 Maag f yĩng n ges burkĩna,la f ra bas nin-tɩrg+ gesg ye.Bala bãan n gũud nin-kãnga.+
38 La b na n sãama kɩɩsdbã fãa.Nin-wẽnsã baasg na n yɩɩ sãoongo.+
ת [Taw]
39 Nin-tɩrsã fãagr yita a Zeova nengẽ.+A yaa nin-tɩrsã pãng zĩig yel-pakr wakate.+
40 A Zeova na n sõng-b lame la a kɩt tɩ b põse.+
A na n kɩtame tɩ b põs nin-wẽnsã nusẽ la a fãag-ba,bala b wa n soonda a nengẽ.+
