Yɩɩn-sõamyã sebre 30:1-12
-
Sũ-sãang sẽn toeem n lebg sũ-noogo
-
Wẽnnaam maanda ned neer a vɩɩmã tõre (5)
-
Roogã pakr yɩɩlle. A Davɩɩd yɩɩlle.
30 Zeova, mam na n pẽga yãmba, bala yãmb zẽka maam.Yãmb pa bas tɩ m bɛɛbã kɩdem sũ-noog mam wɛɛngẽ ye.+
2 Mam Wẽnnaam a Zeova, mam kelem n kosa yãmb sõngre, tɩ yãmb sãoog maam.+
3 Zeova, yãmb zẽka maam* n yiis Yaoogẽ* wã.+
Yãmb kɩtame tɩ m kell n vɩɩmde. Yãmb gɩdga maam tɩ m pa sig bokẽ* wã+ ye.
4 Yãmb a neb nins sẽn maand sɩd ne a Zeova wã,+ yɩɩl-y n pẽg-y-yã-a.Pẽg-y-yã a yʋʋrã sẽn yaa sõngã.+
5 Bala a sũur sã n puug ne neda, yaa wakat bilf yĩng bala.+La a maanda ned ning sẽn tat a yamã neer a vɩɩmã tõre.+
Yãbr tõe n zĩnda zaabre, la yibeoogo, yaa sũ-noog kaasgo.+
6 Mam yam sẽn wa n gãe bãanã, mam yeelame:
“M pa na n tol n maan yɩɩr ye.”
7 Zeova, mam sẽn wa n tar yãmb lohormã, yãmb kɩtame tɩ mam tar pãng wa tãnga.+
La yãmb sẽn wa n solg y nengã, rabeem-kãseng yõka maam.+
8 Zeova, yaa yãmb la mam da boond wakat fãa.+Yaa a Zeova la mam da kot t’a maan-m lohorem.
9 Mam kũum* yõod yaa bõe? Mam sã n sig bokẽ* wã, rẽ yõod yaa bõe?+
Tomã na n pẽga yãmb sɩda?+ Tomã na n goma yãmb kɩs-sɩdã yell sɩda?+
10 Zeova, kelg-y-yã, la y maan-m lohorem.+
Zeova, yɩ-y mam sõangda.+
11 Yãmb toeema mam sũ-sãangã tɩ lebg saooga.Yãmb yeega mam botã, n yeelg maam kɩdeng wa fuugu,
12 sẽn na yɩl tɩ m* yɩɩl n pẽg yãmb la m da sĩnd ye.
Mam Wẽnnaam a Zeova, m na n pẽga yãmb wakat fãa yĩnga.
Vẽnegr toor-toore
^ Bɩ, “mam sɩɩgã.”
^ Ges-y gom-biis võor bilgrã zĩigẽ.
^ Bɩ, “yaoogẽ.”
^ Ebre, “zɩɩmã.”
^ Bɩ, “yaoogẽ.”
^ Bɩ, “mam ziirã.”
