Yɩɩn-sõamyã sebre 28:1-9
-
Wẽnnaam deega yɩɩn-gʋlsdã pʋʋsgo
-
“A Zeova yaa mam pãnga, la m gãongo” (7)
-
A Davɩɩd yɩɩlle.
28 Zeova sẽn yaa mam Pĩig kugri,+ yãmb la mam boond wakat fãa.Ra yẽd-y y tʋb n pa kelg maam ye.
Yãmb sã n sĩnd n pa leok maam,mam na n lebga wa sẽn sigd-b bokẽ wã.*+
2 Mam sã n wa kelemd n kot sõngr bɩ y kelg mam kosgã,mam sẽn wat n zẽk m nusã n tees yãmb doogã Zĩ-sõng sẽn yɩɩdã.+
3 Ra naag-y maam ne nin-wẽnsã n menese, rat n yeel tɩ neb nins sẽn maand sẽn yikd sũurã,+neb nins sẽn gomd laafɩ yell ne b taabã tɩ wẽng yaool n be b sũyẽ wã.+
4 Keo-y bãmb b tʋʋmã yĩng+wa sẽn zems b tʋʋm-wẽnsã.
Keo-y bãmb b nus tʋʋmã yĩngwa sẽn zems b sẽn maanã.+
5 Bala b toog kae ne a Zeova tʋʋmã,+wall ne a nus tʋʋmã ye.+
Wẽnnaam na n tus-b lame n lub n pa sõng-b tɩ b yik ye.
6 Bɩ a Zeova paam pẽgre,bala a wʋma mam sẽn kot sõngrã.
7 A Zeova yaa mam pãnga,+ la m gãongo.+Yaa yẽ la mam sũurã teeg-yã.+
Mam paama a sõngre, tɩ m sũurã kɩdemdẽ.Rẽ n so tɩ mam na n yɩɩl m yɩɩllã n pẽg-a.
8 A Zeova yaa pãng a nin-buiidã yĩnga.A yaa soondg zĩiga, n fãagd a sẽn yãk* a soabã.+
9 Fãag-y y nin-buiidã,+ la y ning-b barka.
Kɩɩm-y-b la y zã-b ne y nusã wakat sẽn kõn sa yĩnga.+
