Yɩɩn-sõamyã sebre 27:1-14
A Davɩɩd yɩɩlle.
27 A Zeova yaa mam vẽenem+ la m fãagda.
Ãnda la mam na n zoe?+
A Zeova yaa wa pãng zĩig sẽn kogend mam vɩɩmã.+
Ãnda n na n kẽes maam rabeem?
2 Nin-wẽnsã sẽn wa n zabd ne maam n dat n wãb mam yĩn-nemsã,+yɩɩ mam zabd-n-taasã ne m bɛɛbã n lags n lʋɩ.
3 Baa tãb-biis sã n tilg b sik-zĩig n na n zab ne maam,mam sũurã pa na n kiuus ye.+
Baa bɛɛbã sã n yik zabr ne maam,mam na n kell n kɩsa Wẽnnaam sɩda.
4 Bũmb a ye la mam kos a Zeova:(Yaa bõn-kãng la m na n bao.)Yaa tɩ m tõog n zĩnd a Zeova roogẽ wã m yõor tɛka,+n get a Zeova neermã,la m get a roogã ne sũ-noogo.+
5 Bala a na n solga maam a zãndẽ wã yel-pakr daare.+A na n solga maam a fu-roogã zĩ-soalgdgẽ wã.+A na n ninga maam yĩngri, pĩig kugr zugu.+
6 Masã, mam zug zẽk n yɩɩda m bɛɛbã sẽn gũbg maamã.Mam na n maana maand Wẽnnaam fu-roogẽ wã ne sũ-noog kaasgo.Mam na n yɩɩl n pẽga a Zeova.
7 Zeova, mam sã n wa kaasdẽ, bɩ y kelge.+Zoe-y mam nimbãaneg la y leok maam.+
8 Mam* tẽega yãmb sẽn yeele:
“Bao n yã mam nengã.”
Zeova, mam na n bao n yãa yãmb nengã.+
9 Ra solg-y maam y nengã ye.+
Yãmb sũ-puugrã pʋgẽ, bɩ y ra tus y tʋm-tʋmdã n lak ye.
Yãmb yaa mam sõangda.+Mam Wẽnnaam sẽn yaa mam fãagda, ra bas-y maam, wall y loog n bas-m ye.
10 Baa mam ba-roakã ne m ma-roakã sã n bas maam,+a Zeova meng na n deega maam.+
11 Zeova, zãms-y maam yãmb sorã.+Wilg-y maam tɩrlem sorã, mam bɛɛbã yĩnga.
12 Ra ning-y maam m zabd-n-taasã nusẽ ye.+Bala ziri kaset rãmb n yik n zabd ne maam,+la b moog b nif n bugsd maam.
13 Mam sã n da pa kɩs sɩd tɩ m na n yãa a Zeova sõmblmã nin-vɩɩsã soolmẽ,woto tɩ mam bee yɛ?*+
14 Teeg a Zeova.+Keng f sũur la f tall raoodo.+
Teeg a Zeova.
Vẽnegr toor-toore
^ Ebre, “Mam sũurã.”
^ Pa rẽ bɩ, “Hakɩɩka, mam kɩsa sɩd tɩ m na n yãa a Zeova sõmblmã nin-vɩɩsã soolmẽ.”
