Yɩɩn-sõamyã sebre 26:1-12
A Davɩɩd yɩɩlle.
26 Zeova, kao-y mam bʋʋdo, bala mam kẽna m burkĩndã pʋgẽ.+Mam teega a Zeova, n pa tol n leng ye.+
2 Zeova, fees-y maam la y mak maam.Yɩlg-y mam tagsa nins sẽn zulmã,* la m sũurã.+
3 Bala yãmb maan-neerã bee mam taoor wakat fãa,tɩ mam kẽnd yãmb sɩdã pʋgẽ.+
4 Mam pa tũud* zãmb dãmbã ye.+Mam zãagda m meng ne neb nins sẽn solgd b sẽn yaa neb nins buudã.*
5 Mam kisa nin-wẽnsã tũud-n-taare.+Mam zãgsame tɩ m kõn tũ* nin-wẽnsã ye.+
6 Mam na n pegsa m nusã n wilg tɩ m pa tar taal ye.Zeova, mam na n kẽn n gilga yãmb tẽn-kugrã,
7 n kɩt tɩ b wʋm mam bark pʋʋsgã,+la m moon yãmb tʋʋm-kãsemsã fãa.
8 Zeova, mam nonga roog ning pʋgẽ yãmb sẽn be wã,+zĩig ning yãmb ziirã sẽn be wã.+
9 Ra naag-y maam* ne yel-wẽn-maandbã n menese,+wall y naag maam ne nen-kɛglem dãmbã* n kʋ ye.
10 Yaa neb nins nus sẽn tʋmd yãn-tʋʋma,la neb nins nug-rɩtg sẽn pid ne noor-madgrã.
11 La sã n yaa ne maam, mam na n kẽna m burkĩndã pʋgẽ.
Fãag-y maam, la y zoe m nimbãanega.
12 Mam naoã yasa zĩig sẽn pa tar bogd wall kunkub zugu.+Mam na n pẽga a Zeova tigin-kãsengã pʋgẽ.+
Vẽnegr toor-toore
^ Ebre, “mam yiimã.”
^ Ebre, “zĩ ne.”
^ Bɩ, “Mam pa naagd pʋ-lik rãmbã ye.”
^ Ebre, “zĩnd ne.”
^ Bɩ, “mam sɩɩgã.”
^ Bɩ, “sẽn daagd-b zɩɩmã.”
