Yɩɩn-sõamyã sebre 22:1-31
Yɩɩlã taoor soab yĩnga. Segd n yɩɩlame tɩ zems “Tõd-beoog walgã.”* A Davɩɩd yɩɩlle.
22 Mam Wẽnnaam, mam Wẽnnaam, bõe yĩng tɩ yãmb bas maam?+
Bõe yĩng tɩ yãmb pa wat n fãag maam?Bõe yĩng tɩ y pa kelgd mam sẽn yãbd m sũ-sãangã pʋgẽ wã?+
2 Mam Wẽnnaam, mam tara yãmb boaal wĩntoogo, la yãmb pa leokd maam ye.+Yʋng me, mam pa sĩnded ye.
3 La yãmb yaa sõngo.+Yãmb bee* Israyɛll nebã fãa sʋka, tɩ b pẽgd yãmba.
4 Yaa yãmb la tõnd yaab-rãmbã ra teeg-yã.+B teega yãmba, tɩ y ra fãagd-ba.+
5 B ra kelemd n boonda yãmba, n paamd fãagre.B teega yãmba, la b pa paam yãnd ye.+
6 La mam yaa zũnzũuri, n pa ninsaal ye.Nebã laada maam la b paoogd maam.+
7 Neb nins fãa sẽn yãt maamã yaanda maam.+B laadame la b gird b zut n yetẽ:+
8 “Yẽ teega a Zeova. Bɩ a fãag-a!
Bɩ a fãag-a, tɩ bala a nong-a-la wʋsgo!”+
9 Yãmb la Soab ning sẽn yiis maam m ma pʋgẽ wã.+Yãmb kɩtame tɩ mam yam da gãe bãan m ma sẽn wa n yẽsemd maamã.
10 B rɩka maam n gũnug yãmb* hal m dogmẽ.Sẽn sɩng mam sẽn wa n be m ma wã pʋgẽ tɛka, yãmb yaa mam Wẽnnaam.
11 Ra zãag-y ne maam ye. Bala yel-pakrã kolgame.+Mam pa tar sõangd a to ye.+
12 Lol-poal wʋsg n gũbg maam.+Basan lols sẽn tar pãng n gũbg maam.+
13 B yaaga b noyã yaleng n na n zab ne maam,+wa gɩgemd sẽn kelemd la a tõsd rũng a sẽn yõk to-to wã.+
14 Mam pãngã saa wa koom sẽn daage.Mam kõabã fãa yii b sũgdsẽ wã.
Mam sũurã lebga wa siribdu.*+A yẽnegda mam pʋgẽ wã.+
15 Mam pa le tar pãng ye. Mam yaa wa sa-pɛɛga.+Mam zɩlemdã tabendeda m dagsendakã.+Yãmb kɩtame tɩ mam sigd kũum tomẽ.+
16 Bala baas n gũbg maam.+B kolgda maam wa tʋʋm-wẽns-maandb sulli.+B wãbda mam nusã la m naoã wa gɩgemde.+
17 Mam tõe n sõda m kõabã fãa.+
Mam bɛɛbã geta maam. B geta maam kuii.
18 B pʋɩta taab mam futã,la b maand bãnd mam fu-yorgã yĩnga.+
19 La yãmb a Zeova, ra pa-y yɩɩg ye.+
Yãmb yaa mam pãnga. Wa n sõng-y maam tao-tao.+
20 Fãag-y maam* tɩ b ra kʋ-m ne sʋʋg ye.Fãag-y m vɩɩmã* sẽn tar yõod wʋsgã baasã naoẽ wã.*+
21 Fãag-y maam gɩgemdã noorẽ,+ la we-niisã yɩɩlẽ.Leok-y maam la y fãag-ma.
22 Mam na n moona m saam-biisã yãmb yʋʋrã.+Mam na n pẽga yãmb tigingã pʋgẽ.+
23 Yãmb a neb nins sẽn zoet a Zeova wã, pẽg-y-yã-a!
Yãmb a Zakoob yagensã fãa, waoog-y-yã-a!+
Yãmb a Israyɛll yagensã fãa, zoe-y-yã-a!
24 Bala a pa mum a nin n pa ges sẽn namsd-a wã namsg ye.+A pa solg-a a nengã ye.+
A sẽn wa n kelem n kos a sõngrã, a wʋmame.+
25 Mam na n pẽga yãmb tigin-kãsengã pʋgẽ.+Mam na n pidsa m pʋlemsã sẽn zoet-b yãmbã taoore.
26 Sik-m-mens rãmbã na n dɩɩme n tɩge.+Neb nins sẽn baood a Zeova wã na n pẽg-a lame.+
Bɩ y vɩɩmd* n kaoos wakat sẽn kõn sa.
27 Tẽngã kɩremsã fãa neb na n tẽega a Zeova yelle, n lebg n wa a nengẽ.
Buud toor-toorã fãa rotã neb na n wõgemda a taoore.+
28 Bala naamã yaa a Zeova n so.+A rɩta naam buud toɛy-toɛyã zutu.
29 Tẽngã arzɛk rãmbã* fãa na n dɩɩme la b wõgemde.Neb nins sẽn na n sig tomẽ wã fãa na n yĩgimda a taoore.B ned baa a ye pa tõe n kogl b vɩɩmã* ye.
30 Bãmb yagensã na n tũu Wẽnnaam.B na n goma a Zeova yell ne zãmaan ning sẽn watã.
31 B na n waame, n gom Wẽnnaam tɩrlmã yelle.
B na n togsa sẽn nan na n dog-bã bũmb ning Wẽnnaam sẽn maanã.
Vẽnegr toor-toore
^ Tõe tɩ yaa sẽn yɩɩnd to-to wã, wall yʋʋm-teedã sẽn wẽed to-to wã.
^ Bɩ, “Yãmb zĩi y geerã zug.”
^ Ebre, “lob yãmb zug.”
^ Wõnda yaa bũmb sĩ wã sẽn maand b sɩɩdã yĩnga. A pa zaeed yẽnegr ye.
^ Bɩ, “mam sɩɩgã.”
^ Ebre, “mam fãa-fãa wã.” Rat n yeel t’a sɩɩgã bɩ a vɩɩmã.
^ Ebre, “nusẽ wã.”
^ Ebre, “Bɩ y sũyã vɩɩmd.”
^ Bɩ, “neb nins sẽn nobã.”
^ Bɩ, “sɩɩsã.”
