Yɩɩn-sõamyã sebre 2:1-12
2 Bõe yĩng tɩ buud toɛy-toɛyã neb pa zĩ sɩɩ?Bõe yĩng tɩ nin-buiidã tar bʋr-bʋr* bõn-vɩɩd wɛɛngẽ?+
2 Dũniyã rĩm-dãmbã segla b mense,tɩ nanambsã tigim taab* wa nin-yɛng+n na n zab ne a Zeova, la ne a sẽn yãk* a soabã.*+
3 B yetame yaa: “Bɩ d kao b sogdsã,la d lood b wĩyã n paam d mense!”
4 Soab ning sẽn zao geer zug saasẽ wã na n laame.A Zeova na n yaal-b lame.
5 Wakat kãnga, a na n goma ne-b ne sũ-puugri,la a kẽes-b rabeem ne a sũ-pu-kãsengã,
6 n yeele: “Yaa mam mengã m toor n zĩnig m rĩmã+Siyõ+ sẽn yaa mam tãn-sõngã zugu.”
7 Mam na n moona noor ning a Zeova sẽn yiisã.A yeela maam yaa: “Fo yaa mam bi-ribla.+Rũndã, mam lebga fo ba.+
8 Kos maam tɩ m na n kõ-f-la buud toɛy-toɛyã tɩ yɩ f pʋɩɩre,la m kõ-f dũniyã kɩremsã fãa tɩ yɩ f rẽnda.+
9 Fo na n wã-b-la ne naam dasaar sẽn maan ne kutu,+la f wã-b zõm-zõm wa bũmb sẽn maan ne yagdo.”+
10 Masã, yãmb a rĩm-dãmbã, tall-y yam.Yãmb a dũniyã bʋ-kaoodbã, sak-y remsgo.*
11 Tũ-y-yã a Zeova ne rabeem,la y maan sũ-noog ne rigbu.
12 Waoog-y* bi-riblã,+ sã n pa rẽ, Wẽnnaam sũur na n wa yikametɩ y sãame,*+bala a sũurã yikda tao-tao.
Sũ-noog rãmb la neb nins sẽn soonded a nengẽ wã.
Vẽnegr toor-toore
^ Bɩ, “bʋgsg.”
^ Bɩ, “yẽsd ne taab.”
^ Ebre, “zae.” Ges-y gom-biis võor bilgrã zĩigẽ.
^ Bɩ, “yẽ Kiristã.”
^ Bɩ, “tɩ b keoog-yã.”
^ Ebre, “Mok-y.”
^ Bɩ, “tɩ y pa zĩig sẽn zãr ne sorã n sãame,” rat n yeel tɩ zĩig sẽn zãr ne tɩrlem sorã.
