Yɩɩn-sõamyã sebre 17:1-15
A Davɩɩd pʋʋsgo.
17 Zeova, kelg-y mam sẽn pʋʋsd n kot tɩ tɩrlem zĩndã.Kɩll-y y tʋbr n kelg mam sẽn yãbd n kot sõngrã.Kelg-y mam pʋʋsgã mam sẽn pʋʋsd ne pʋ-peelmã.+
2 Bɩ y kao mam bʋʋd ne tɩrlem,+la bɩ y ninã yã sẽn yaa tɩrgã.
3 Yãmb feesa mam sũurã. Yãmb feesa maam yʋngo.+Yãmb yɩlga mam sũurã.+Yãmb na n yãame tɩ mam pa mag mag-wẽnga,la tɩ mam noorã pa beeg ye.
4 Ninsaalbã tʋʋm-tʋmdɩ wã wɛɛngẽ,mam lakda m meng ne fãadbã soayã,+ wa sẽn zems yãmb noorã goamã.
5 Bɩ y kɩt tɩ mam naoã kell n tũ yãmb soayã,sẽn na yɩl tɩ m naoã ra wa lak ye.+
6 Mam Wẽnnaam, mam boonda yãmba, bala yãmb na n leoka maam.+
Kɩll-y y tʋbr n kelg* maam. Kelg-y m goamã.+
7 Yãmb a Soab ning sẽn fãagd neb nins sẽn baood soondg zĩig yãmb nug-rɩtgẽ,la sẽn fãagd-b neb nins sẽn kɩɩsd yãmbã nusẽ wã,wilg-y y maan-neerã ne manesem sẽn be yamleoogo.+
8 Kogl-y maam wa y nin-beelle.+Solg-y maam y pɩgsã maasmẽ.+
9 Kogl-y maam ne nin-wẽnsã sẽn zabd ne maamã,ne mam bɛɛbã sẽn gũbg maam n dat n kʋ wã.+
10 B sũyã riglmame.B noyã gomda wuk-m-meng goama.
11 Masã, b gũbga tõndo.+B baooda weer n na n kɩt tɩ d lʋɩ.*
12 Bɛyã yaa wa gɩgemd sẽn dat n ta rũng a sẽn yõk n tõse,la wa gɩgem-poll sẽn wũg n gũudẽ.
13 Zeova, yik-y n zab-y ne-a,+ n lub-a.Tall-y y sʋʋgã n fãag maam* nin-wẽngã nugẽ.
14 Zeova, fãag-y maam ne y nugã.Fãag-y maam dũni-kãngã nebã nusẽ. Bãmb pʋɩɩr bee vɩ-kãngã pʋgẽ.+Yãmb kɩtdame tɩ b paamd bõn-sõma nins yãmb sẽn kõtã tɩ sekdẽ.+B basda rogem-pʋɩɩr n kõt b kambã sẽn yaa wʋsgã.
15 La sã n yaa ne maam, yaa tɩrlem pʋgẽ la mam na n yã yãmb nengã.Mam sã n nek n miẽ tɩ yãmb bee ne maam, sek-m lame.+
