Yɩɩn-sõamyã sebre 148:1-14
148 Pẽg-y-yã a Zah!*
Pẽg-y-yã a Zeova saasẽ.+Pẽg-y-yã-a zĩ-zãntsẽ wã.
2 Yãmb a malɛgsã fãa, pẽg-y-yã-a.+
Yãmb a tãb-biisã fãa, pẽg-y-yã-a.+
3 Wĩntoogã ne kiuugã, pẽg-y-yã-a.
Ãdsã fãa sẽn yãgdã, pẽg-y-yã-a.+
4 Yãmb a saasã zĩ-zãntsã,n paas ko-rãmbã sẽn be saasã zugẽ wã, pẽg-y-yã-a.
5 Bɩ bõn-kãens pẽg a Zeova yʋʋrã,bala a kõo noore, tɩ b naan-ba.+
6 A kɩtdame tɩ b be b zĩisẽ wakat sẽn kõn sa yĩnga.+A yiisa noor sẽn paad wakat fãa.+
7 Yãmb a sẽn be-b tẽngã zugã, pẽg-y-yã a Zeova.Yaa yãmb a mogrã pʋgẽ bõn-bɛdã ne ko-zulumsã fãa,
8 yãmb a sa-yãgbã ne sa-pɩlmã, sa-lamdã la sawad-tagdã,foom a sob-kãsengã sẽn sakd a gomdã,+
9 yãmb a tãensã la yãmb a kunkubã fãa,+yãmb a tɩ-womdsã la yãmb a sɛɛdr tɩɩsã fãa,+
10 yãmb a we-rũmsã+ la yãmb a yir dũmsã fãa,yãmb a bõn-vuudsã la bõn-yɩgdɩ wã,
11 yãmb a tẽngã rĩm-dãmbã la yãmb a buud toɛy-toɛyã fãa,yãmb a nanambsã la yãmb a tẽngã bʋ-kaoodbã fãa,+
12 yãmb a kom-bɩɩsã la pʋg-sadbã,*kom-kãsemsã la kom-bõonegã fãa.
13 Bɩ b pẽg a Zeova yʋʋrã,bala yẽ a ye tãa yʋʋrã n zẽk wʋsgo.+
A naamã zẽkame n yɩɩd tẽngã la saasã.+
14 A na n paasa a nin-buiidã pãngã,*sẽn maand-b sɩd ne-a wã fãa pẽgr yĩnga,Israyɛll nebã sẽn yaa buud sẽn pẽ-a wã pẽgr yĩnga.
Pẽg-y-yã a Zah!*
Vẽnegr toor-toore
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
^ Ebre, “pʋg-sadb sẽn pa mi raoã.”
^ Ebre, “yɩɩllã.”
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
