Yɩɩn-sõamyã sebre 143:1-12
A Davɩɩd yɩɩlle.
143 Zeova, kelg-y mam pʋʋsgã.+Kelg-y mam sẽn pʋʋsd n kot sõngrã.
Yãmb kɩs-sɩdã ne y tɩrlmã yĩng bɩ y leok-ma.
2 Ra bʋ-y ne y tʋm-tʋmdã ye.Bala bõn-vɩɩg baa a ye pa tõe n yɩ tɩrg yãmb taoor ye.+
3 Bɛ wã rigda maam.*A yõka maam* n fabg tẽng n tabe.
A kɩtame tɩ mam be lik pʋgẽ wa neb nins sẽn ki hal daar zãrã.
4 Mam komsa raoodo.+Mam pa le tar pãng baa bilf ye.+
5 Mam tẽegda pĩnd wẽndẽ yelle.Mam bʋgsda yãmb tʋʋmã fãa zutu.+Mam maagda m yĩng n bʋgsd yãmb nusã tʋʋm zutu.*
6 Mam tẽega m nus n tees yãmba.Mam yaa* wa tẽn-koɛɛnga, tɩ yãmb ko-yũud tar-ma.+ (Sela)
7 Zeova, leok-y maam tao-tao.+Mam pãngã* taa a tɛka.+
Ra solg-y maam y nengã ye.+Sã n pa rẽ, mam na n yɩɩ wa neb nins sẽn sigd bokẽ wã.*+
8 Bɩ y kɩt tɩ m wʋm tɩ b gomd yãmb maan-neerã yell yibeoogo,bala mam teega yãmba.
Kɩt-y tɩ m bãng sor ning zug m sẽn segd n kẽnã,+bala mam wẽnemdame n tees yãmba.*
9 Zeova, fãag-y maam ne m bɛɛbã.
Mam baooda yãmb koglgo.+
10 Zãms-y maam tɩ m maan yãmb daabã,+bala yãmb yaa mam Wẽnnaam.
Yãmb yaa sõma.Bɩ y tall y vʋʋsmã n wilg-m sore, tɩ m kẽn sor sẽn pa tar bogd wall kunkub zugu.*
11 Zeova, kogl-y mam vɩɩmã yãmb yʋʋrã yĩnga.
Yãmb tɩrlmã yĩnga, bɩ y fãag maam* yel-pakr pʋgẽ.+
12 Yãmb maan-neerã yĩnga, bɩ y kʋ mam bɛɛbã.*+Sãam-y sẽn namsd-b maamã* fãa,+bala mam yaa yãmb tʋm-tʋmda.+
Vẽnegr toor-toore
^ Bɩ, “mam sɩɩgã.”
^ Ebre, “mam vɩɩmã.”
^ Bɩ, “zãmsd yãmb nusã tʋʋma.”
^ Bɩ, “Mam sɩɩgã yaa.”
^ Bɩ, “yaoogẽ wã.”
^ Ebre, “vʋʋsmã.”
^ Bɩ, “mam zẽka m sɩɩgã n tees yãmba.”
^ Bɩ, “kẽn tɩrlem soolmẽ.”
^ Bɩ, “mam sɩɩgã.”
^ Ebre, “bɩ y kɩt tɩ mam bɛɛbã sĩndi.”
^ Bɩ, “mam sɩɩgã.”
