Yɩɩn-sõamyã sebre 142:1-7
Maskɩlle.* A Davɩɩd yɩɩlle. Yɩɩ wakat ning a sẽn wa n be tãngã bokẽ wã.+ Pʋʋsgo.
142 Mam zẽka m koɛɛg n boond a Zeova n kot sõngre.+Mam zẽka m koɛɛg n kot a Zeova t’a zoe m nimbãanega.
2 Mam pelgda m pʋg n togs-a m yɩɩrã.Mam gomda m sũ-sãangã yell a taoore,+
3 mam pãngã* sẽn wat n sa m pʋgẽ wã.
Dẽ, yãmb geta mam sorã.+
B solgda bẽdg mam yĩngsor ning mam sẽn kẽndã zugu.
4 Ges-y mam nug-rɩtgã, tɩ y na n yãametɩ ned baa a ye pa get mam yell ye.*+
Zĩig kae m sẽn tõe n zoe n kẽng ye.+Mam* yell pa pak ned baa a yembr ye.
5 Zeova, mam boonda yãmb n kot sõngre.
Mam yetame: “Yãmb yaa mam soondg zĩiga.+Yaa yãmb bal la mam tar* nin-vɩɩsã soolmẽ.”
6 Kelg-y mam sẽn kelemd n kot sõngrã,bala mam pãngã saa zãnga.
Fãag-y maam sẽn namsd-b maamã nusẽ,+bala b pãngã yɩɩda maam.
7 Yiis-y maam* zĩ-kãngã sẽn wõnd bãens roogã pʋgẽ,sẽn na yɩl tɩ m pẽg yãmb yʋʋrã.
Bɩ nin-tɩrsã gũbg maam,bala yãmb maanda maam neere.
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “vʋʋsmã.”
^ Ebre, “pa mi maam ye.”
^ Bɩ, “Mam sɩɩgã.”
^ Ebre, “mam pʋɩɩr.”
^ Bɩ, “mam sɩɩgã.”
