Yɩɩn-sõamyã sebre 141:1-10
A Davɩɩd yɩɩlle.
141 Zeova, mam boonda yãmba.+
Wa-y tao-tao n sõng-ma.+
Mam sã n wa boond yãmba, bɩ y kelge.+
2 Bɩ mam pʋʋsgã ta yãmb yam wa wisd+ b sẽn segle,+tɩ m nusã zẽkr yɩ wa kood biis kũun b sẽn kõt zaabre.+
3 Zeova, yãk-y gũud mam noorã yĩnga.Bɩ y ra bas tɩ baa fʋɩ sẽn yaa wẽng yi a pʋgẽ ye.+
4 Ra bas-y tɩ mam sũurã tags baa fʋɩ sẽn yaa wẽng yelle,+tɩ m wa naag nin-wẽnsã n tʋm tʋʋm-wẽns ye.Bɩ mam da tol n dɩ b rɩ-bɛdã ye.
5 Nin-tɩrg sã n wẽ maam, na n yɩɩ neer la a maan-ma.+A sã n wilg maam m kongre, na n yɩɩ wa kaam sẽn be mam zugẽ.+Mam zugã pa na n tol n zãgs rẽ ye.+
Baa nin-tɩrsã yel-pakr wakate, mam na n ket n pʋʋsdame.
6 Baa b sẽn lob b bʋ-kaoodbã tɩ b yi tãngã zug n lʋɩ wã,nebã na n kelga mam goamã sõma, bala yaa gom-noodo.
7 Tõnd kõabã sãeega Yaoogã* noore,wa b sẽn ko tẽn-gãong tɩ kaalmã sãeege.
8 La Zu-soab sẽn ka to a Zeova, mam ninã geta yãmba.+
Yaa yãmb nengẽ la mam soond-yã.
Ra yãk-y mam yõorã ye.
9 Kogl-y maam ne bẽdgã b sẽn dɩgl mam yĩngã.Yaa tʋʋm-wẽns-maandbã bẽdsã.
10 Nin-wẽnsã fãa na n lʋɩɩ b mens gãmba wã pʋsẽ,+tɩ mam yaool n loog be ne bãane.
Vẽnegr toor-toore
^ Ges-y gom-biis võor bilgrã zĩigẽ.
