Yɩɩn-sõamyã sebre 138:1-8
A Davɩɩd yɩɩlle.
138 Mam na n pẽga yãmb ne m sũur fãa.+
Mam na n yɩɩlame n pẽg yãmbwẽnnaam-dãmb a taabã taoore.*
2 Mam na n wõgemd n teesa yãmb do-sõngã,+la m pẽg yãmb yʋʋrã,+yãmb maan-neerã la y kɩs-sɩdã yĩnga.
Bala yãmb kɩtame tɩ y gomdã ne y yʋʋrã zẽk n yɩɩd bũmb a taabã fãa.*
3 Daar ning mam sẽn boolã, yãmb leoka maam.+Yãmb kenga mam pɛlg la y kõ-m pãnga.+
4 Zeova, dũniyã rĩm-dãmbã fãa na n pẽga yãmba,+b sẽn na n wʋm pʋlems nins yãmb sẽn pʋlmã yĩnga.
5 B na n yɩɩlame n gom a Zeova soayã yelle,bala a Zeova ziirã yaa kãsenga.+
6 Baa a Zeova sẽn be yĩngrã, a gũusd n geta sik-m-mens rãmbã,+la a zãagda a meng ne wuk-m-mens rãmbã.+
7 Baa mam sã n wa kẽnd tɩ m vɩɩmã be yell pʋgẽ, yãmb na n kogla maam tɩ m da ki ye.+
Yãmb tẽegda y nugã n zabd ne mam bɛɛbã sũy sẽn yikã.Yãmb nug-rɩtgã na n fãaga maam.
8 A Zeova na n maana bũmb fãa mam neer yĩnga.
Zeova, yãmb maan-neerã paada wakat fãa.+Ra n daag-y y nusã tʋʋm n bas ye.+
Vẽnegr toor-toore
^ Pa rẽ bɩ, “Mam na n kɩɩsa wẽnnaam-dãmb a taaba, n wẽ yʋʋm-teed yãmb yĩnga.”
^ Pa rẽ bɩ, “yãmb kɩtame tɩ y gomdã zẽk n yɩɩd y yʋʋrã menga.”
