Yɩɩn-sõamyã sebre 135:1-21
135 Pẽg-y-yã a Zah!*
Pẽg-y-yã a Zeova yʋʋrã.Yãmb a Zeova tʋm-tʋmdba, pẽg-y-yã-a,+
2 yãmb a neb nins sẽn tʋmd a Zeova roogẽ wã,tõnd Wẽnnaamã zakã samanẽ wã.+
3 Pẽg-y-yã a Zah, bala a Zeova yaa sõma.+
Yɩɩl-y n pẽg-y-yã a yʋʋrã, bala rẽ bee yamleoogo.
4 Bala a Zah yãka a Zakoob yagensã a meng yĩnga.A yãka Israyɛll nebã tɩ b yaa yẽ buud sẽn yaa toor zalle.+
5 Mam mii vẽeneg t’a Zeova yaa kãsenga.Tõnd Zu-soabã yaa kãseng n yɩɩd wẽnnaam-dãmb a taabã fãa.+
6 A Zeova maanda bũmb ning fãa sẽn noom-a,+saasẽ la tẽngã zugu, mogrã pʋgẽ la zĩ-zulumsã fãa pʋsẽ.
7 A kɩtdame tɩ sawatã zẽkd n yit tẽngã kɩremsẽ.A maanda sa-yãgb saagã niib yĩnga,la a kɩtdẽ tɩ sobg yit a teedã bĩngr dotẽ.+
8 A kʋʋ kom-dẽemsã fãa Ezɩpt soolmã pʋgẽ,ninsaalb ne rũms fãa kom-dẽemse.+
9 Foom a Ezɩpt soolem, a maana bãn la yel-soalem fo pʋgẽ,+n sɩbg a Farawõ ne a tʋm-tʋmdbã fãa.+
10 A kʋʋ buud wʋsg neba,+la a kʋ rĩm-dãmb sẽn tar pãense:+
11 Yɩɩ Amoor nebã rĩm a Siyon+ neBasan rĩm a Oog+n paas Kanaã soolem toɛy-toɛyã fãa.
12 Wẽnnaam rɩka b soolmã n kõ tɩ yɩ pʋɩɩre.A kõ-a lame tɩ yɩ Israyɛll nebã sẽn yaa yẽ nin-buiidã pʋɩɩre.+
13 Zeova, yãmb yʋʋrã paada wakat fãa.
Zeova, yãmb yʋʋrã sẽn yi wã paada zãmaan woo zãmaana.+
14 A Zeova na n sõnga a nin-buiidã.+A na n zoee a tʋm-tʋmdbã nimbãanega.+
15 Bu-zẽmsã bõn-naandsã yaa wanzuri la sãnem,n yaa ninsaalb nus tʋʋmde.+
16 B tara noya, la b pa tõe n gom ye.+B tara nini, la b pa tõe n yã ye.
17 B tara tʋba, la b pa tõe n wʋm ye.
Pemsem baa bilf pa yit b noyẽ wã ye.+
18 Neb nins sẽn maand bãmbã na n lebga wa bãmba.+Neb nins fãa sẽn teegd-bã me na n lebga wa bãmba.+
19 Yãmb a Israyɛll neba, pẽg-y-yã a Zeova.
Yãmb a Aarõ roogã rãmba, pẽg-y-yã a Zeova.
20 Yãmb a Levi roogã rãmba, pẽg-y-yã a Zeova.+
Yãmb a neb nins sẽn zoet a Zeova wã, pẽg-y-yã a Zeova.
21 Bɩ a Zeova paam pẽgr Siyõ,+yẽ sẽn yaa Soab ning sẽn be Zerizalɛmmã.+
Pẽg-y-yã a Zah!+
Vẽnegr toor-toore
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
