Yɩɩn-sõamyã sebre 12:1-8

  • A Zeova yik n na n maana bũmbu

    • A Zeova goamã yaa yɩlma (6)

Yɩɩlã taoor soab yĩnga. B segd n wẽeme tɩ zems ne Seminiti.* A Davɩɩd yɩɩlle. 12  Zeova, fãag-y maam, bala sɩd soab pa le be ye.Neb nins d sẽn tõe n teegã menema ninsaalbã sʋka.   Nebã yagda taab ziri.B belgda taab ne b no-bɩmsã,* la b gomd ne sũy sẽn pid ne zãmbo.+   A Zeova na n wõrsa neb nins fãa sẽn belgd b taabã no-bɩmse,la a fiuus neb nins sẽn wukd b mens wʋsgã zɩlma.+   Yaa neb nins sẽn yete: “Tõnd zɩlmã maasem yĩnga, d na n tõogame. Tõnd tara d no-bɩmsã n maand d sẽn date.Ãnda n na n yɩ tõnd soaala?”+   A Zeova yeelame: “B sẽn namsd nimbãan-nebã yĩnga,la naong rãmbã sẽn wẽed sirã yĩnga,+mam na n yikame n maan bũmbu. Mam na n fãag-b-la neb nins sẽn paoogd-bã nusẽ.”   A Zeova goamã yaa yɩlma.+B yaa wa wanzuri b sẽn yɩlg tãnd wʋng pʋgẽ, wa wanzuri b sẽn yɩlg naoor a yopoe.   Zeova, yãmb na n kogl-b lame.+Yãmb na n kogla b ned kam fãa zãmaan-kãngã yĩnga, wakat fãa yĩnga.   Nin-wẽnsã gilgdame tɩ gɩdgr kae ye.Bala ãdem-biisã kengda sẽn tʋmd-b tʋʋm-yoodã raoodo.+

Vẽnegr toor-toore

Ebre, “B gomda ne no-bɩms sẽn bʋgse.”