Yɩɩn-sõamyã sebre 119:1-176
-
Ned sẽn wilgd t’a sũur nooma ne a Zeova gomdã
-
“Bi-bɩɩg na n maana wãn t’a sor kell n yɩ yɩlemde?” (9)
-
“Mam sũur nooma wʋsg ne yãmb saglsã” (24)
-
“Ad mam sɩd nonga yãmb tõogã!” (97)
-
“Mam yamã wekame n yɩɩd m karen-saam-dãmbã fãa” (99)
-
“Yãmb gomdã yaa fɩtl mam naoor yĩnga” (105)
-
“Yãmb gomdã halhaalã yaa sɩda” (160)
-
Neb nins sẽn nong Wẽnnaam tõogã tara bãan wʋsgo (165)
-
א [Aleph]
119 Sũ-noog rãmb la neb nins sẽn kẽnd ne burkĩndã,*sẽn sakd-b a Zeova tõogã.+
2 Sũ-noog rãmb la neb nins sẽn tũud a saglsã,+sẽn baood-b yẽ ne b sũy fãa wã.+
3 B pa maand sẽn pa tɩrg ye.B kẽnda Wẽnnaam soayã zutu.+
4 Yãmb kõo noore,n yeel tɩ b segd n tũu yãmb noyã sõma.+
5 Mam sɩd rat n kell n yalsa a wɩla,*+n tõog n tũ yãmb noyã!
6 Dẽ, mam sã n wa tagsd yãmb noyã fãa yelle,yãnd pa na n yõk-m ye.+
7 Mam sã n wa zãmsd yãmb bʋ-kaoor toor-toorã sẽn yaa tɩrsã,mam na n pẽga yãmb ne sũur sẽn yaa tɩrga.
8 Mam na n tũu yãmb noyã.
Bɩ y ra tol n daag-m n bas zãng ye.
ב [Beth]
9 Bi-bɩɩg na n maana wãn t’a sor kell n yɩ yɩlemde?
Yaa a sẽn na n gũus a menga, la a kẽn wa sẽn zems yãmb gomdã.+
10 Mam baooda yãmb ne m sũur fãa.
Ra bas-y maam tɩ m bʋdg n bas yãmb noyã ye.+
11 Mam bĩnga yãmb goamã m sũurã pʋgẽ,+sẽn na yɩl n da wa maan yel-wẽnd n beeg yãmb ye.+
12 Zeova, bɩ y paam pẽgre.Zãms-y maam yãmb noyã.
13 Ne mam no-bɩmsã, mam moondatõodã fãa yãmb sẽn togsã.
14 Mam sũur nooma ne yãmb saglsã+n yɩɩd bõn-sõma a taabã fãa.+
15 Mam na n bʋgsa yãmb noyã zutu,*+la m get yãmb soayã.+
16 Mam sũur nooma wʋsg ne yãmb noyã.
Mam pa na n yĩm yãmb gomdã ye.+
ג [Gimel]
17 Maan-y y tʋm-tʋmdã neere,sẽn na yɩl tɩ m vɩɩmde, la m tũ y gomdã.+
18 Puk-y m ninã, tɩ m tõog n yãbõn-sõma wã sẽn be yãmb tõogã pʋgẽ wã vẽenega.
19 Soolmã pʋgẽ, mam yaa sãan bala.+
Ra solg-y maam y noyã ye.
20 Yãmb tõodã ratemdɩta maam* wa bugum wakat fãa.
21 Yãmb tãsda tɩtaam dãmbã,rat n yeel tɩ kãab-wẽns rãmbã sẽn bʋdg n bas yãmb noyã.+
22 Zãag-y maam ne yaalg la paoogre,bala mam tũu yãmb saglsã.
23 Baa nanambs sã n wa tigim taab n zĩ n gomd mam yell wẽnga,yãmb tʋm-tʋmdã bʋgsda yãmb noyã zutu.*
24 Mam sũur nooma wʋsg ne yãmb saglsã.+B yaa mam sagendba.+
ד [Daleth]
25 Mam gãee* tomẽ.+
Kogl-y mam vɩɩmã wa sẽn zems y gomdã.+
26 Mam togsa yãmb m tʋʋm-tʋmdɩ wã, tɩ yãmb leok maam.Zãms-y maam yãmb noyã.+
27 Sõng-y maam tɩ m wʋm yãmb noyã võore,*n tõog n bʋgs yãmb tʋʋm-kãsemsã zutu.*+
28 Sũ-sãangã kɩtame tɩ m* da pa tõe n gũs ye.
Keng-y mam daood wa sẽn zems yãmb gomdã.
29 Zãag-y maam ne zãmb sore,+la y maan-m lohorem, n kɩt tɩ m bãng y tõogã.
30 Mam yãka kɩs-sɩdã sore.+
Mam sak n deegame tɩ yãmb bʋ-kaoor toor-toorã yaa tɩrse.
31 Mam gãda yãmb saglsã sõma.+
Zeova, ra bas-y tɩ yãnd yõk-m ye.*+
32 Mam na n tũu* yãmb noyã sor ne m sũur fãa,bala yãmb kõo maam bãngr n paase.*
ה [He]
33 Zeova, zãms-y maam+ yãmb noyã sore.Mam na n tũ-a-la m vɩɩmã tõre.+
34 Kõ-y maam yam-vẽenemsẽn na yɩl tɩ m sak yãmb tõogã,la m tũ-a ne m sũur fãa.
35 Wilg-y maam sor* yãmb noyã sor zugu,+bala a kõta maam sũ-noog wʋsgo.
36 Kɩt-y tɩ mam sũurã nong yãmb saglsã,la a ra nong sẽn nafd maam bal ye.+
37 Kɩt-y tɩ m ninã wẽnemd n da ges bũmb sẽn ka yõod ye.+Kogl-y mam vɩɩmã yãmb sorã zugu.
38 Pids-y pʋleng* ning y sẽn pʋlem y tʋm-tʋmdã,sẽn na yɩl tɩ nebã zoe yãmba.*
39 Zãag-y maam ne paoogr ning mam sẽn zoetã,bala yãmb bʋ-kaoor toor-toorã yaa sõma.+
40 Ges-y mam sẽn tʋll n sak yãmb noyã to-to wã.
Kogl-y mam vɩɩmã yãmb tɩrlmã pʋgẽ.
ו [Waw]
41 Zeova, bɩ y kɩt tɩ m paam y maan-neerã,+la m paam tɩ y fãag-m wa y sẽn pʋlmã.*+
42 Dẽ, mam na n leoka sẽn tʋʋd-a maamã,bala mam kɩsa sɩd ne yãmb gomdã.
43 Ra yiis-y sɩdã goam zãng m noorẽ wã,bala mam teega* yãmb bʋ-kaoorã.
44 Mam na n saka yãmb tõogã wakat fãa,wakat sẽn kõn sa yĩnga.+
45 Mam na n kẽna zĩig bũmb sẽn pa tõe n paam-ma,*+bala mam baooda yãmb noyã.
46 Mam na n goma yãmb saglsã yell rĩm-dãmb taoore.Mam pa na n zoe yãnd ye.+
47 Mam sũur nooma wʋsg ne yãmb noyã.Hakɩɩka, mam nong-b lame.+
48 Mam na n zẽka m nusã n tees yãmb noyã m sẽn nongã.+Mam na n bʋgsa yãmb tõodã zutu.*+
ז [Zayin]
49 Tẽeg-y gomd* ning y sẽn togs y tʋm-tʋmdã.Yaa gomd ning yãmb sẽn tũnugd ne n kõt-m saagrã.*
50 Yaa rẽ n belsd maam m toogã pʋgẽ,+bala yãmb goamã kogenda mam vɩɩmã.
51 Tɩtaam dãmbã yaanda maam hal wʋsgo,la mam pa bʋdgd n bas yãmb tõogã ye.+
52 Zeova, mam tẽegda yãmb pĩnd wẽndẽ bʋ-kaoor toor-toorã yelle,+n paamd belsg b pʋsẽ.+
53 Mam sũurã puuda wʋsg ne nin-wẽnsãsẽn basd yãmb tõogã.+
54 Yãmb noyã yaa yɩɩl ne maam,m sẽn be zĩig ning fãa.*
55 Yʋngo, m tẽegda yãmb yʋʋrã yelle, Zeova,+sẽn na yɩl n sak yãmb tõogã.
56 Yaa woto la mam minim n maandẽ,bala mam tũuda yãmb noyã.
ח [Heth]
57 A Zeova yaa mam pʋɩɩre.+Mam pʋlmame tɩ m na n saka yãmb goamã.+
58 Mam yõkda yãmb sɛɛg ne m sũurã fãa.+Zoe-y mam nimbãaneg+ wa sẽn zems yãmb pʋlengã.*
59 Mam feesa m tʋʋm-tʋmdɩ wã,sẽn na yɩl n wẽnemd m naoã n le tees yãmb saglsã.+
60 Mam yãgdame n na n tũ yãmb noyã.+Mam pa maand maas-maas ye.
61 Nin-wẽnsã wĩy vila maam,la mam pa yĩmd yãmb tõogã ye.+
62 Yʋn-sʋka, mam yikdame n na n pʋʋs yãmb barka,+y bʋ-kaoor toor-toorã sẽn yaa tɩrsã yĩnga.
63 Mam yaa neb nins fãa sẽn zoet yãmbã zoa,la neb nins sẽn tũud yãmb noyã+ zoa.
64 Zeova, yãmb maan-neerã pida tẽngã.+Zãms-y maam yãmb noyã.
ט [Teth]
65 Zeova, yãmb maana y tʋm-tʋmdã neere,wa sẽn zems y gomdã.
66 Kõ-y maam yam-vẽenem la bãngre,+bala mam kɩsa sɩd ne yãmb noyã.
67 Nand tɩ m paam toogã, m da wae n kẽeda moogo,*la masã, m sakda yãmb goamã.+
68 Yãmb yaa sõma,+ tɩ y tʋʋmã me yaa sõma.
Zãms-y maam y noyã.+
69 Tɩtaam dãmbã rõta maam wʋsgo,la mam sakda y noyã ne m sũurã fãa.
70 B sũyã riglmame,+la mam sũur nooma wʋsg ne yãmb tõogã.+
71 Mam sẽn paam toogã yaa sõma.+Bala rẽ kɩtame tɩ m bãng yãmb noyã.
72 Tõogã yãmb sẽn moonã yaa sõma ne maam,+n yɩɩd sãnem la wanzuri+ ligd-koeems tusa.
י [Yod]
73 Yaa yãmb nusã n maan maam la b yag maam.
Kõ-y maam yam-vẽenemsẽn na yɩl tɩ m bãng yãmb noyã.+
74 Neb nins sẽn zoet yãmbã yãta maam n kɩdemd sũ-noogo,bala mam teega yãmb gomdã.*+
75 Zeova, mam miime tɩ yãmb bʋ-kaoor toor-toorã yaa tɩrse,+la tɩ yaa y kɩs-sɩdã pʋgẽ la yãmb sẽn kɩt tɩ mam paam toogã.+
76 Bɩ m bõos tɩ y bels maam ne y maan-neerã,+wa sẽn zems pʋleng* ning y sẽn pʋlem y tʋm-tʋmdã.
77 Zoe-y mam nimbãaneg sẽn na yɩl tɩ m kell n vɩɩmde,+bala mam sũur nooma wʋsg ne yãmb tõogã.+
78 Bɩ tɩtaam dãmbã paam yãnde,bala b maanda maam wẽng zaalem yĩnga.*
La mam na n bʋgsa yãmb noyã zutu.*+
79 Bɩ neb nins sẽn zoet yãmbã lebg n wa mam nengẽ,rat n yeel tɩ neb nins sẽn mi yãmb saglsã.
80 Bɩ mam sũurã tũ yãmb noyã ne burkĩndi,+sẽn na yɩl tɩ yãnd ra yõk-m ye.+
כ [Kaph]
81 Mam data yãmb fãagrã ne m sũur fãa,+bala mam teega yãmb gomdã.*
82 Mam gũu yãmb pʋlengã pidsg hal tɩ m ninã pãng sa,+tɩ m sokdẽ yaa: “Wakat bʋg la yãmb na n bels maam?”+
83 Bala mam yaa wa ko-waoog sẽn kʋɩ bug-zõosẽ,la mam pa yĩmd yãmb noyã ye.+
84 Yãmb tʋm-tʋmdã na n gũu rasem a wãna?
Wakat bʋg la yãmb na n kao sẽn namsd-b maamã bʋʋdo?+
85 Tɩtaam dãmbã tuuda bogd mam yĩnga,rat n yeel tɩ sẽn kɩɩsd-b yãmb tõogã.
86 Nebã tõe n kɩsa yãmb noyã fãa sɩda.
Neb n namsd maam zaalem bala. Sõng-y-ma!+
87 Kellẽ-la bilf tɩ b menes maam dũniyã zugu,la mam pa bas yãmb noyã sakr ye.
88 Kogl-y mam vɩɩmã y maan-neerã yĩnga,sẽn na yɩl tɩ m sak sagls nins y sẽn kõ wã.
ל [Lamed]
89 Zeova, yãmb gomdã na n paa saasẽ+wakat fãa yĩnga.
90 Yãmb kɩs-sɩdã yaa zãmaan fãa yĩnga.+
Yãmb lugla tẽngã kãn-kãe, hal t’a ket n yasẽ.+
91 Yãmb bʋ-kaoor toor-toorã maasem yĩnga, b* kell n yalsame n tãag rũndã,bala b fãa yaa yãmb tʋm-tʋmdba.
92 Mam sũur sã n da pa noom wʋsg ne yãmb tõogã,woto tɩ mam kii m namsgã pʋgẽ.+
93 Mam pa na n tol n yĩm yãmb noyã lae-lae.Bala yaa ne bãmb la yãmb kogl mam vɩɩmã.+
94 Yaa yãmb n so maam. Fãag-y maam,+bala mam baooda yãmb noyã.+
95 Nin-wẽnsã gũudame n na n sãam maam,la mam maagda m yĩng n get yãmb saglsã.
96 Mam yãame tɩ bũmb nins fãa sẽn zems zãngã tara koaka,la yãmb noyã pa tar koak ye.*
מ [Mem]
97 Ad mam sɩd nonga yãmb tõogã!+
Mam bʋgsda a zug* daarã tõre.+
98 Yãmb noyã kɩtdame tɩ mam tar yam n yɩɩd m bɛɛbã,+bala b bee ne maam wakat fãa yĩnga.
99 Mam yamã wekame n yɩɩd m karen-saam-dãmbã fãa,+bala mam bʋgsda yãmb saglsã zutu.*
100 Mam tʋmda ne yam n yɩɩd nin-kẽemba,bala mam tũuda yãmb noyã.
101 Mam zãgsame tɩ m kõn kẽn so-wẽng baa a ye zugu,+sẽn na yɩl n tõog n sak yãmb gomdã.
102 Mam pa bʋdg n bas yãmb tõodã,bala yãmb zãmsa maam.
103 Ad yãmb goamã yaa noog mam dagsendakẽ wã.B yaa noog mam noorẽ wã n yɩɩd sɩɩdo!+
104 Ne yãmb noyã maasem, mam tʋmda ne yam.+
Yaa rẽ yĩng la mam sẽn kis so-wẽng buud fãa wã.+
נ [Nun]
105 Yãmb gomdã yaa fɩtl mam naoor yĩnga,la vẽenem mam sor yĩnga.+
106 Mam wẽename tɩ m na n saka yãmb tõodã sẽn yaa tɩrsã,la m na n pidsa m pʋlengã.
107 Mam paama toog wʋsgo.+
Zeova, kogl-y mam vɩɩmã wa sẽn zems yãmb gomdã.+
108 Zeova, bɩ m yamleoog kũunã sẽn yaa pẽgrã*+ ta y yam.Zãms-y maam yãmb tõodã.+
109 Mam vɩɩmã bee yell pʋgẽ wakat fãa,*la mam pa yĩm yãmb tõogã yell ye.+
110 Nin-wẽnsã rɩgla bẽdg mam yĩnga,la mam pa bʋdg n bas yãmb noyã ye.+
111 Mam kɩtame tɩ yãmb saglsã lebg mam dẽnd wakat fãa yĩnga,*bala yaa bãmb n kõt maam sũ-noogo.+
112 Mam yãka yam* n na n sak yãmb noyãwakat fãa, n tãag m yõor tɛka.
ס [Samekh]
113 Mam kisa yam a yiib rãmba,*+la mam nonga yãmb tõogã.+
114 Yãmb yaa mam soondg zĩig la m gãongo,+bala mam teega yãmb gomdã.*+
115 Yãmb a nin-wẽnse, zãag-y y mens ne maam,+tɩ m tõog n tũ m Wẽnnaamã noyã.
116 Teel-y maam wa yãmb sẽn pʋlmã,*+sẽn na yɩl tɩ m kell n vɩɩmde.Mam teega yãmba, ra bas-y tɩ m paam yãnd ye.+
117 Teel-y maam tɩ m paam fãagre.+Dẽ, mam na n tagsda yãmb noyã yell wakat fãa.+
118 Yãmb basda neb nins fãa sẽn bʋdgd n basd yãmb noyã,+bala b yaa zirẽ-be-neb la zãmb dãmba.
119 Yãmb lobda tẽngã nin-wẽnsã fãa wa sagd* sẽn pa tar yõodã.+
Yaa rẽ yĩng la mam sẽn nong yãmb noyã.
120 Mam sẽn zoet yãmbã kɩtame tɩ mam yĩngã* rigda.Mam zoeta yãmb bʋ-kaoor toor-toorã.
ע [Ayin]
121 Mam maanã sẽn yaa tɩrg la sẽn zemse.
Ra bas-y maam neb nins sẽn weoogd maamã nusẽ ye!
122 Pʋlm-y tɩ y na n kɩtame tɩ y tʋm-tʋmdã yɛl yɩ sõma.Bɩ tɩtaam dãmbã ra weoog-m ye.
123 Mam gũu yãmb fãagrã+ ne y pʋlengã* sẽn yaa tɩrgã+ pidsghal tɩ m ninã pãng sa.
124 Maan-y y tʋm-tʋmdã neere,+la y zãms maam y noyã.+
125 Mam yaa yãmb tʋm-tʋmda. Kõ-y maam yam-vẽenem+sẽn na yɩl tɩ m wʋm y saglsã võore.
126 Wakat taame t’a Zeova na n maan bũmbu,+bala b kɩɩsa yãmb tõogã.
127 Yaa rẽ yĩng la mam sẽn nong yãmb noyãn yɩɩd sãnem, baa sãnem halaalã.*+
128 Rẽ n so tɩ mam getẽ tɩ noor* buud fãa yãmb sẽn kõ yaa tɩrgã.+Mam kisa so-wẽng buud fãa.+
פ [Pe]
129 Yãmb saglsã yaa sõma wʋsgo.
Yaa rẽ yĩng la mam sẽn tũud-bã.*
130 B sã n wa bilgd yãmb goamã võore, wata ne vẽenem,+n kõt sẽn pa tar-b minimã yam-vẽenem.+
131 Mam yaaga m noor yaleng n wẽed siri,*mam sẽn dat yãmb noyã ne m sũur fãa wã yĩnga.+
132 Wẽnemd-y n tees-y maam la y zoe m nimbãanega,+wa yãmb sẽn yeel bũmb ning sẽn nong-b yãmb yʋʋrã wɛɛngẽ wã.+
133 Wilg-y maam sor ne y goamã maasem, sẽn na yɩl tɩ m kẽn bãan sor zugu.Bɩ bũmb sẽn yaa wẽng baa a ye ra soog maam ye.+
134 Fãag-y maam nin-toosã nusẽ,tɩ m na n tũu yãmb noyã.
135 Kɩt-y tɩ y nengã vẽenem yãg yãmb tʋm-tʋmdã zugu.+Zãms-y maam yãmb noyã.
136 Nintãm n yit mam ninẽ wã n dʋʋgd wʋsgo,bala nebã pa tũud yãmb tõogã ye.+
צ [Tsade]
137 Zeova, yãmb yaa tɩrga.+Yãmb bʋ-kaoor toor-toorã yaa tɩrse.+
138 Yãmb sẽn kõt sagls ninsã yaa tɩrse.B tõe n teeg-b-la zãnga.
139 Mam yẽesmã rɩta maam wa bugum,+bala mam zabd-n-taasã yĩma yãmb goamã.
140 Yãmb goamã paama yɩlgr sõma,+tɩ yãmb tʋm-tʋmdã nong-ba.+
141 Mam pa zem baa fʋɩ, tɩ b paoogd-m me.+Baasgo, mam pa yĩm yãmb noyã ye.
142 Yãmb tɩrlmã yaa tɩrlem sẽn paad wakat fãa yĩnga,+tɩ yãmb tõogã yaa sɩda.+
143 Baa mam sẽn paamd toog la zu-loeesã,mam sũur ket n nooma ne yãmb noyã.
144 Yãmb saglsã tɩrlem paada wakat sẽn kõn sa.
Kõ-y maam yam-vẽenem,+ sẽn na yɩl tɩ m kell n vɩɩmde.
ק [Qoph]
145 Mam boonda ne m sũur fãa. Zeova, leok-y maam.
Mam na n tũu yãmb noyã.
146 Mam boonda yãmba. Fãag-y maam!
Mam na n saka yãmb saglsã.
147 Mam nekame tɩ zĩigã nan pa yẽege, n na n kelem n kos sõngre,+bala mam teega yãmb goamã.*
148 Mam ninã puka yʋn-sʋka,sẽn na yɩl tɩ m tõog n bʋgs yãmb goamã zutu.*+
149 Kelg-y mam koɛɛgã y maan-neerã yĩnga.+
Zeova, kogl-y mam vɩɩmã wa sẽn zems yãmb tɩrlmã.
150 Neb nins sẽn tʋmd yãn-tʋʋmã* kolgdame.B zãra ne yãmb tõogã.
151 Zeova, yãmb pẽeme,+tɩ yãmb noyã fãa me yaa sɩda.+
152 Hal daar zãra, mam bãngametɩ yãmb lugla y noyã sẽn na yɩl tɩ b pa wakat fãa yĩnga.+
ר [Resh]
153 Ges-y mam namsgã la y fãag-ma,+bala mam pa yĩm yãmb tõogã ye.
154 Sõng-y maam* la y fãag-ma.+Kogl-y mam vɩɩmã wa sẽn zems yãmb pʋlengã.*
155 Fãagr zãra ne nin-wẽnsã,bala b pa bao yãmb noyã ye.+
156 Zeova, yãmb nimbãan-zoeerã yaa wʋsgo.+
Kogl-y mam vɩɩmã wa sẽn zems y tɩrlmã.
157 Sẽn namsd-b maamã ne m zabd-n-taasã yaa wʋsgo,+la mam pa bʋdg n bas yãmb saglsã ye.
158 Mam geta zãmb dãmbã ne yam-yiisgu,bala b pa sakd yãmb goamã ye.+
159 Ges-y mam sẽn nong yãmb noyã to-to wã!
Zeova, kogl-y mam vɩɩmã y maan-neerã yĩnga.+
160 Yãmb gomdã halhaalã yaa sɩda,+tɩ yãmb tõodã fãa sẽn yaa tɩrsã me paad wakat fãa yĩnga.
ש [Sin] bɩ [Shin]
161 Nanambs n namsd maam+ zaalem bala,la mam sũurã ket n zoeta yãmb goamã.+
162 Mam kɩdemda sũ-noog ne yãmb goamã+wa ned sẽn yã te-zɛɛdem wʋsgo.
163 Mam pa tol n nong zirẽ-beed baa bilf ye. Mam kis-a lame.+Mam nonga yãmb tõogã.+
164 Mam pẽgda yãmb naoor a yopoe daar fãa,yãmb bʋ-kaoor toor-toorã sẽn yaa tɩrsã yĩnga.
165 Neb nins sẽn nong yãmb tõogã tara bãan wʋsgo.+Baa fʋɩ kae n tõe n kɩt tɩ b lak n lʋɩ ye.*
166 Zeova, mam gũuda yãmb fãagrã,la m sakd yãmb noyã.
167 Mam tũuda* yãmb saglsã,la m nong-b wʋsgo.+
168 Mam sakda yãmb noyã la y saglsã,bala yãmb mii mam sẽn maand bũmb ninsã fãa.+
ת [Taw]
169 Zeova, bɩ mam sẽn kelemd n kot sõngrã ta yãmba.+
Kɩt-y tɩ m paam yam-vẽenem ning sẽn yit yãmb gomdã pʋgẽ wã.+
170 Bɩ mam sẽn kot tɩ y zoe m nimbãanegã ta yãmba.
Fãag-y maam wa yãmb sẽn pʋlmã.*
171 Bɩ mam noorã pid ne pẽgre,+bala yãmb zãmsda maam y noyã.
172 Bɩ mam zɩlemdã yɩɩl n gom yãmb goamã yelle,+bala yãmb noyã fãa yaa tɩrse.
173 Bɩ yãmb nugã sõngd-m tao-tao,+mam sẽn yãk yam n na n sak yãmb noyã yĩnga.+
174 Zeova, mam gũuda yãmb fãagrã ne m sũur fãa.Mam sũur nooma wʋsg ne yãmb tõogã.+
175 Bɩ y bas tɩ m* vɩɩmde, n tõog n pẽg yãmba.+Bɩ yãmb tõodã yɩ m sõangda.
176 Mam yeeba wa pesg sẽn meneme.+ Gẽes-y y tʋm-tʋmdã,bala mam pa yĩm yãmb noyã ye.+
Vẽnegr toor-toore
^ Bɩ, “sẽn kẽnd n pa tar taalã.”
^ Ebre, “Bɩ m soayã lugl kãn-kãe.”
^ Bɩ, ”zãmsa yãmb noyã.”
^ Bɩ, “mam sɩɩgã.”
^ Bɩ, “zãmsda yãmb noyã.”
^ Bɩ, “Mam sɩɩgã gãee.”
^ Ebre, “sore.”
^ Bɩ, “zãms yãmb tʋʋm-kãsemsã.”
^ Bɩ, “mam sɩɩgã.”
^ Bɩ, “tɩ m paam yãnd ye.”
^ Ebre, “na n zoee.”
^ Bɩ, “bas-m-yam, raoodo.” Ebre, “Bala yãmb kɩtame tɩ mam sũurã lebg yalenga.”
^ Bɩ, “Kɩt-y tɩ m kẽn.”
^ Bɩ, “gomd.”
^ Pa rẽ bɩ, “pʋleng ning y sẽn pʋlem neb nins sẽn zoet yãmbã.”
^ Bɩ, “gomã.”
^ Bɩ, “mam gũuda.”
^ Bɩ, “zĩ-yalengẽ.”
^ Bɩ, “zãmsa yãmb tõodã.”
^ Bɩ, “pʋleng.”
^ Bɩ, “yãmb sẽn kɩt tɩ mam gũudẽ wã.”
^ Bɩ, “roog ning pʋgẽ mam sẽn be n yaa sãanã.”
^ Bɩ, “goamã.”
^ Bɩ, “m da tudgd n maanda yel-wẽna.”
^ Bɩ, “mam gũuda yãmb gomdã.”
^ Bɩ, “gomd.”
^ Pa rẽ bɩ, “ne zĩrẽ-beedo.”
^ Bɩ, “zãmsa yãmb noyã.”
^ Bɩ, “mam gũuda yãmb gomdã.”
^ Rat n yeel tɩ Wẽnnaam bõn-naandsã fãa.
^ Ebre, “yaa yalems wʋsgo.”
^ Bɩ, “zãmsd-a-la.”
^ Bɩ, “zãmsda yãmb saglsã.”
^ Ebre, “mam noorã yamleoog kũunã.”
^ Bɩ, “Mam sɩɩgã bee m nugẽ wakat fãa.”
^ Bɩ, “mam pʋɩɩr wakat sẽn kõn sa yĩnga.”
^ Ebre, “Mam kɩlla m sũurã.”
^ Bɩ, “neb nins sũy sẽn pʋɩyã.”
^ Bɩ, “mam gũuda yãmb gomdã.”
^ Bɩ, “wa sẽn zems yãmb gomdã.”
^ Ebre wã gom-bilã bilgda rẽgd ning b sẽn wolgd wanzuri wall sãnem b sẽn yẽneg zugã.
^ Ebre, “yĩn-nemsã.”
^ Bɩ, “goamã.”
^ Bɩ, “b sẽn yɩlgã.”
^ Ebre, “zãmsg.”
^ Bɩ, “mam sɩɩgã sẽn tũud-bã.”
^ Ebre, “sesdẽ.”
^ Bɩ, “mam gũuda yãmb goamã.”
^ Bɩ, “zãms yãmb goamã.”
^ Bɩ, “tʋʋm-dẽgdã.”
^ Bɩ, “Ges-y mam bʋʋdã kaoob yelle.”
^ Bɩ, “goamã.”
^ Bɩ, “Kug-lakdg ka be bãmb yĩng ye.”
^ Bɩ, “Mam sɩɩgã tũuda.”
^ Bɩ, “wa sẽn zems yãmb goamã.”
^ Bɩ, “m sɩɩgã.”
