Yɩɩn-sõamyã sebre 116:1-19
116 Mam nonga a Zeova,bala a wʋmda* mam koɛɛgã. A wʋmda mam sẽn pʋʋsd n kot sõngrã.+
2 Bala a kɩlla a tʋbr n kelgd* maam.+Mam sã n ket n vɩ fãa,* mam na n boond-a lame.
3 Kũumã wĩy ra gũbga maam.Yaoogã ra gãda maam.*+
Toog la sũ-sãang ra looga maam.+
4 La mam boola a Zeova yʋʋrã+ n yeele:
“Zeova, fãag-y maam!”*
5 A Zeova yaa sõmblem soab la tɩrga.+Tõnd Wẽnnaamã yaa nimbãan-zoɛta.+
6 A Zeova gũuda neb nins sẽn pa tar minimã.+
Mam pãngã ra saa zãnga, la a fãaga maam.
7 Bɩ mam sɩɩgã* le vʋʋs yɛsa,bala a Zeova maana maam neere.
8 Yãmb fãaga maam* ne kũum.Yãmb yẽesa mam nintãm, la y kɩt tɩ mam naoorã pa lak ye.+
9 Mam na n kẽna a Zeova taoor nin-vɩɩsã soolmẽ.
10 Mam sẽn da tar tẽebã yĩnga, mam gomame.+Mam da paamda namsg wʋsgo.
11 Sã n yaa ne maam, mam da yɛɛsame n yeel yaa:
“Ninsaal buudã fãa yaa zirẽ-be-neda.”+
12 Bõe la m na n maan n lebs a Zeova,bõn-sõma nins fãa a sẽn maan n kõ maamã yĩnga?
13 Mam na n deega fãagr* wũmblã,la m bool a Zeova yʋʋrã.
14 Mam na n pidsa mam sẽn pʋlem a Zeova bũmb ninsãa nin-buiidã fãa taoore.+
15 Neb nins sẽn maand sɩd ne a Zeova wã+kũum yaa bõn wʋsg a nifẽ.
16 Zeova, mam yõkda yãmb sɛɛga,bala mam yaa y tʋm-tʋmda.
Mam yaa yãmb tʋm-tʋmda, y yem-poakã biiga.
Yãmb logsa mam sẽbdsã.+
17 Mam na n kõo yãmb bark pʋʋsg maoongo.+Mam na n boola a Zeova yʋʋrã.
18 Mam na n pidsa mam sẽn pʋlem a Zeova bũmb ninsã+a nin-buiidã fãa taoore,+
19 a Zeova roogã samanẽ wã,+foom a Zerizalɛm tẽn-sʋka.
Pẽg-y-yã a Zah!*+
Vẽnegr toor-toore
^ Pa rẽ bɩ, “Mam nongame, bala a Zeova wʋmda.”
^ Bɩ, “sulg n kelgda.”
^ Ebre, “Mam dayã pʋsẽ.”
^ Ebre, “Sewollã sũ-sãams yãa maam.”
^ Bɩ, “mam sɩɩgã.”
^ Ges-y gom-biis võor bilgrã zĩigẽ.
^ Bɩ, “mam sɩɩgã.”
^ Bɩ, “fãag-kãsengã.”
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
