Yɩɩn-sõamyã sebre 106:1-48
106 Pẽg-y-yã a Zah!*
Pʋʋs-y-yã a Zeova barka, bala a yaa sõma.+A maan-neerã paada wakat fãa.+
2 Ãnda n tõe n gom a Zeova tʋʋm-kãsemsã fãa yelle,wall a moon a tʋʋmã fãa sẽn zems pẽgrã?+
3 Sũ-noog rãmb la neb nins sẽn kẽnd ne tɩrlem,sẽn maand-b sẽn yaa tɩrg wakat fãa wã.+
4 Zeova, yãmb sã n wa na n zoe y nin-buiidã nimbãaneg bɩ y tẽeg mam yelle.+
Ges-y mam yell la y fãag-ma,
5 tɩ m tõog n paam yãmb sõmblmã y sẽn wilgd y sẽn yãk b rãmbã,+tɩ m naag yãmb buudã n kɩdem sũ-noogo,la m naag yãmb pʋɩɩrã n pẽg yãmb ne zu-zẽkre.
6 Tõnd maana yel-wẽn wa d yaab-rãmbã sẽn maanã.+Tõnd maana sẽn yaa kɛgre. Tõnd maana sẽn yaa wẽnga.+
7 Tõnd yaab-rãmbã sẽn wa n be Ezɩptã, b pa wʋm yãmb tʋʋm-kãsemsã võor ye.
B pa tẽeg yãmb maan-neerã sẽn yaa wʋsgã yell ye.B pʋd n lebga tõatb mogrã noore, Mog-miuugã noore.+
8 La Wẽnnaam fãag-b-la a yʋʋrã yĩnga,+sẽn na yɩl tɩ nebã bãng a pãn-kãsengã.+
9 A tãsa Mog-miuugã t’a kʋɩ.A tall-b lame n tɩ pasg a zĩ-zulumsã wa we-rasempʋɩɩga.*+
10 A fãag-b-la b bɛɛbã nusẽ.+A yiis-b-la b bɛɛbã nusẽ.+
11 Koomã lima b zabd-n-taasã.B baa a ye pa põs ye.*+
12 Rẽ poore, b tẽe Wẽnnaam pʋlengã.+B sɩngame n na n yɩɩl n pẽg-a.+
13 La tao-tao bala, b yĩma bũmb ning a sẽn maanã.+B pa yaas n gũ t’a wilg-b sor ye.
14 B basame tɩ b koko-raoogã soog-b we-raoogẽ wã.+B maka Wẽnnaam we-rasempʋɩɩgẽ wã.+
15 A kõ-b-la bũmb ning b sẽn kosã.La rẽ poore, a kɩtame tɩ bãag yõk-b tɩ b* wagle.+
16 Sik-zĩigẽ wã, b wa n yik n maanda sũ-kiir ne a Moyiizi,n paas a Aarõ+ sẽn da yaa sõng a Zeova nifẽ wã.+
17 Dẽ, tẽngã yaaga a noor n vel a Datã,la a lud neb nins sẽn da tigim ne a Abirammã.+
18 Bugum n widg b sullã sʋka.Bug-witim n dɩ nin-wẽnsã.+
19 B maana nag-bil Horɛɛbe.B wõgemda bõn-naandg b sẽn yõg taoore.+
20 B teka mam ziirãne naaf sẽn wãbd yamdã bõn-naandga.+
21 B yĩma Wẽnnaam+ sẽn yaa b Fãagdã yelle,soab ning sẽn maan bõn-kãsems Ezɩptã,+
22 sẽn tʋm tʋʋm-kãsems a Kam soolmẽ wã,+la sẽn tʋm tʋʋm sẽn kẽesd rabeem Mog-miuugẽ wã.+
23 A ra rat n kõo noor tɩ b sãam-ba,la a Moyiiz sẽn yaa yẽ sẽn yãk a soabã yõka a sɛɛga,t’a sũurã sẽn yik t’a ra rat n sãam-bã sigi.+
24 Rẽ poore, b paooga tẽn-neerã.+B pa tẽ Wẽnnaam pʋlengã ye.+
25 B ra yẽgemda b fu-rotẽ wã wakat fãa.+B pa kelg a Zeova koɛɛgã ye.+
26 Dẽ, Wẽnnaam zẽka a nug n wẽen bãmb wɛɛngẽ,n yeel t’a na n kɩtame tɩ b ki we-raoogẽ wã.+
27 A yeelame t’a na n kɩtame tɩ b yagensã ki bu-zẽmsã sʋka,la t’a na n sãeeg-b-la soolem toɛy-toɛyã pʋsẽ.+
28 Rẽ poore, b naag n waooga Pewoor Baallã,+la b rɩ maand b sẽn kõ kũ-rãmba.*
29 B tʋʋm-tʋmdɩ wã kɩtame tɩ Wẽnnaam sũur puugi,+tɩ bã-loangdg kẽ b sʋka.+
30 La a Fineyaas sẽn wa n yik n maan bũmbã,bã-loangdgã saame.+
31 B geelga rẽ wa tɩrlem yẽ yĩngzãmaan woo zãmaana, wakat fãa yĩnga.+
32 Bãmb kɩtame tɩ Wẽnnaam sũur puug Meriba* koomã zĩigẽ.La bãmb yĩnga, pa yɩ sõma ne a Moyiiz ye.+
33 B kɩtame t’a sũurã puugi,t’a yiis goam a noorẽ wã n pa yaas n tags ye.+
34 B pa sãam buud toɛy-toɛyã+wa a Zeova sẽn da yeel-bã ye.+
35 La b tɩ naaga bu-zẽmsã,+n dɩk b togs-n-taare.+
36 B ra waoogda bu-zẽmsã bõn-naandse,+tɩ rẽ lebg bẽdg b yĩnga.+
37 B ra rɩkda b kom-dibli ne b kom-puglin maand maand n kõt zĩn-dãmba.+
38 B ra raagda bʋʋm dãmb zɩɩm,+rat n yeel tɩ b mens kom-dibli wã ne b kom-pugli wãb sẽn da kʋʋd n kõt Kanaã bõn-naandsã zɩɩm.+Dẽ, soolmã rẽgma ne zɩɩmã sẽn daagã.
39 B tʋʋm-tʋmdɩ wã kɩtame tɩ b lebg rẽgdo.B tʋʋm-tʋmdɩ wã kɩtame tɩ b pa maan sɩd ne Wẽnnaam ye.*+
40 Rẽ kɩtame t’a Zeova sũurã puug ne a nin-buiidã.Wẽnnaam wa n kisga a pʋɩɩrã.
41 A ning-b-la bu-zẽmsã nusẽ naoor wʋsgo,+sẽn na yɩl tɩ neb nins sẽn kisg-bã soog-ba.+
42 B bɛɛbã weoog-b lame.B ra sakda b bɛɛbã naamã.*
43 Naoor wʋsgo, a fãag-b lame,+la b ra tõdgdame la b kɩɩsdẽ.+B ra paamda paoogr b kongrã yĩnga.+
44 La Wẽnnaam ra yãta b namsgã,+la a wʋmd b sẽn kelemd n kot sõngrã.+
45 Bãmb yĩnga, Wẽnnaam da tẽegda a kaoolã yelle,tɩ b nimbãaneg yõk-a,* a maan-neerã sẽn yaa kãsengã* yĩnga.+
46 A ra kɩtdame tɩ neb nins fãa sẽnkẽes-b yembdã zoe b nimbãanega.+
47 Tõnd Wẽnnaam a Zeova, fãag-y tõndo.+Yiis-y tõnd bu-zẽmsã sʋka, n tigm-du,+tɩ d tõog n pẽg yãmb yʋʋrã sẽn yaa sõngã,la d pẽg yãmb ne sũ-noogo.+
48 Bɩ a Zeova sẽn yaa Israyɛll Wẽnnaamã paam pẽgrwakat fãa yĩnga.*+
Bɩ nin-buiidã fãa yeel yaa: “Ãmiina!”*
Pẽg-y-yã a Zah!*
Vẽnegr toor-toore
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
^ Bɩ, “we-raoogo.”
^ Bɩ, “pa kell ye.”
^ Bɩ, “b sɩɩsã.”
^ Yaa maand b sẽn kõt neb sẽn ki, wall wẽnnaam-dãmb sẽn pa vɩ.
^ Rat n yeel tɩ “Zabre.”
^ Bɩ, “yo ne wẽnnaam-dãmb a taaba.”
^ Ebre, “nugã.”
^ Bɩ, “n maan a bãngẽ.”
^ Bɩ, “wʋsgã.”
^ Bɩ, “zãmaan woo zãmaana.”
^ Bɩ, “Bɩ a yɩ woto!”
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
