Yɩɩn-sõamyã sebre 102:1-28
Ned b sẽn weoogd pʋʋsgo, wakat ning a sẽn be sũ-sãang pʋgẽ,* n pelg a pʋg n togsd a Zeova bũmb ning sẽn namsd-a.+
102 Zeova, kelg-y mam pʋʋsgã.+Bɩ mam sẽn kelemd n kot sõngrã ta yãmba.+
2 Ra solg-y maam y nengã m yel-pakr wakat ye.+
Kɩll-y y tʋbr n kelg* maam.M sã n wa bool bɩ y leok-m tao-tao.+
3 Bala mam dayã loogda wa bug-zõose,tɩ m kõabã kãb wa bug-toaalga.+
4 Mam sũurã lebga wa mood sẽn zelg n kʋɩ,+bala mam yĩmdame n pa rɩt m dɩɩbã ye.
5 Mam sẽn wõosd tɩ yit wʋsgã yĩnga,+mam kõabã tabendeda m yĩn-nemsã.+
6 Mam wõnda pelikã* sẽn be we-raoogẽ.Mam yaa wa viuug biig sẽn be raboogẽ.
7 Mam gãeeme n pa tõe n gũs ye.*Mam yaa wa liuul sẽn yaa a yembr n zao roog zugu.+
8 Daarã tõre, mam bɛɛbã tʋʋda maam.+
Neb nins sẽn yaand maamã* tara mam yʋʋrã n kãabd neba.
9 Bala tompɛglem n lebg m dɩɩbo,*+tɩ bũmb ning mam sẽn yũudã kalem ne nintãm,+
10 yãmb sũ-yikrã ne y sũ-puugrã yĩnga.Bala yãmb zẽka maam yĩngri, n na n lob-m kɛɛng bala.
11 Mam dayã yaa wa zaabr maasem,*+tɩ m zelgd wa moodo.+
12 La yãmb paada wakat fãa, Zeova.+Yãmb yʋʋrã sẽn yi wã na n paa zãmaan woo zãmaana.+
13 Sãmbg sẽn kae, yãmb na n yikame n zoe Siyõ nimbãanega.+Bala wakat taame tɩ yãmb na n maan-a lohorem.+Wakat ning yãmb sẽn yãkã taame.+
14 Bala yãmb tʋm-tʋmdbã sũur nooma ne a kugã.+B nonga a tomã menga.+
15 Buud toɛy-toɛyã na n zoee a Zeova yʋʋrã.Tẽngã rĩm-dãmbã fãa na n sak n deegame tɩ yãmb tara ziiri.+
16 Bala a Zeova na n lebs n mee Siyõ.+A na n puka a ziirã pʋgẽ.+
17 A na n kelga nimbãan-nebã pʋʋsgo.+A pa na n yẽd a tʋbã n pa kelg b pʋʋsgã ye.+
18 B gʋlsa bõn-kãensã zãmaan ning sẽn na n pʋglã yĩnga,+sẽn na yɩl tɩ neb nins sẽn nan na n dogã* wa pẽg a Zah.
19 Bala a bee a zĩ-zãntgã sẽn yaa sõngã zug n sulgd n getẽ.+A Zeova bee saasẽ n sulgd n get tẽngã,
20 sẽn na yɩl n wʋm sẽn be-a bãens roogẽ wã sirã,+la a fãag neb nins b sẽn kao bʋʋd n yeel tɩ b segda ne kũumã.+
21 Yaa sẽn na yɩl tɩ b moon a Zeova yʋʋrã Siyõ,+la b moon a pẽgrã Zerizalɛm,
22 wakat ning buud toɛy-toɛyã ne soolem toɛy-toɛyãsẽn na n tigim taab n waoog a Zeova wã.+
23 A reega mam pãngã pĩnd-pĩnda.A booga mam rayã sõore.
24 Mam yeelame: “Mam Wẽnnaam,yãmb a soab ning yʋʋm sẽn kaoosd zãmaan woo zãmaanã,+ra kɩt-y tɩ m ki m vɩɩmã sẽn wat n be a pʋɩ-sʋk ye.
25 Hal daar zãra, yãmb yẽbga tẽngã,la saasã yaa yãmb nus tʋʋma.+
26 B na n sãamame, la yãmb na n kell n paame.Bãmb fãa na n kʋdga wa fuugu.
Yãmb na n toeem-b-la wa fuugu, tɩ b meneme.
27 La yãmb pa tol n toeemdẽ ye. Yãmb yʋʋmã pa na n tall tɛk a bada.+
28 Yãmb tʋm-tʋmdbã kamb na n zĩnda bãane.B yagensã na n paa yãmb taoore.”+
Vẽnegr toor-toore
^ Bɩ, “a pãngã sẽn booge.”
^ Bɩ, “Sulg-y n kelg-y.”
^ Yaa liuul buudu.
^ Pa rẽ bɩ, “Mam waglame.”
^ Bɩ, “laad maamã.”
^ Ebre, “buri.”
^ Bɩ, “maasem sẽn lebgd woko.”
^ Ebre, “b sẽn nan na n naanã.”
