Matiye 1:1Verse-rãmb sã n tong taab seb-yend pʋgẽ, gʋls-bi kãngã n na n zĩnd pipi soabã ne yaoolem soabã sʋka, Yɩɩn. 37:9-1125

  • A Zeezi Kirist yaab-rãmbã roogo (1-17)

  • A Zeezi rogmã (18-25)

1  Seb-kãngã gomda a Zeezi Kirist* vɩɩmã* sẽn yɩ to-to wã yelle. Yẽ yaa a Davɩɩd biiga,* n yaa a Abrahaam biiga.   A Abrahaam n dog a Izaake,t’a Izaak rog a Zakoobe,t’a Zakoob rog a Zida ne a ba-biisã.   A Zida roga a Perɛɛz ne a Zeera, tɩ b ma yaa a Tamaare.A Perɛɛz roga a Ɛsronne,t’a Ɛsron rog a Ram,   t’a Ram rog a Aminadaabe,t’a Aminadaab rog a Naasõ,t’a Naasõ rog a Salmo,   t’a Salmo ne a pag a Rahaab rog a Boaaze,t’a Boaaz ne a pag a Rut rog a Obɛɛde,t’a Obɛɛd rog a Zese.   A Zese roga a Davɩɩd sẽn yɩ rĩmã,t’a Davɩɩd ne a Uuri pagã a sẽn dɩkã rog a Salomo.   A Salomo roga a Roboam,t’a Roboam rog a Abiya,t’a Abiya rog a Aaza,   t’a Aaza rog a Zozafate,t’a Zozafat rog a Zoram,t’a Zoram rog a Oziyase,   t’a Oziyas rog a Zotam,t’a Zotam rog a Akaaze,t’a Akaaz rog a Ezekɩyaase, 10  t’a Ezekɩyaas rog a Manase,t’a Manase rog a Amo,t’a Amo rog a Zoziyase, 11  t’a Zoziyas rog a Zekoniya ne a ba-biisã. Yɩɩ wakat kãng la b sẽn yõg Zʋɩf-rãmbã n kẽng yembd Babilonnã. 12  B sẽn yõg-b n kẽng Babilonnã poore, a Zekoniya roga a Seyatiyɛlle,t’a Seyatiyɛll rog a Zorobabɛlle, 13  t’a Zorobabɛll rog a Abiyuudi,t’a Abiyuud rog a Eliyakim,t’a Eliyakim rog a Azoore, 14  t’a Azoor dog a Sadoke,t’a Sadok rog a Akim,t’a Akim rog a Eliyuudi, 15  t’a Eliyuud rog a Eleazaare,t’a Eleazaar dog a Matã,t’a Matã rog a Zakoobe, 16  t’a Zakoob rog a Zozɛf sẽn yaa a Maari sɩdã. Yaa Maari-kãng la sẽn dog a Zeezi b sẽn boond tɩ Kiristã. 17  Rẽnd sẽn sɩng ne a Abrahaam n tãag a Davɩɩde, yɩɩ zãmaan piig la a naase, tɩ sẽn sɩng ne a Davɩɩd n tãag b sẽn na n yõg Zʋɩf-rãmbã n kẽng yembd Babilonnã yɩ zãmaan piig la a naase. B sẽn yõg-b n kẽng Babilonnã n tãag Kiristã me yɩɩ zãmaan piig la a naase. 18  Ad a Zeezi Kirist rogmã sẽn yɩ to-to: B ra rɩka b ma a Maari n kõ a Zozɛf t’a na n maan a paga, la nand tɩ b kẽ kãadem, a rɩka pʋg ne vʋʋsem sõngã* pãnga. 19  La a sɩd a Zozɛf sẽn yaa nin-tɩrga, n pa rat n ning-a yãnd nebã nifẽ wã yĩnga, a ra magdame n na n soos n bas-a. 20  A sẽn tags bõn-kãensã yell n sa n gũsi, a Zeova* malɛk n vẽneg a meng ne-a zãmsd pʋgẽ n yeel-a: “Zozɛfe, Davɩɩd biiga. Kẽng n tɩ peeg f pag a Maari la f ra zoe rabeem ye. Bala, pʋgã a sẽn tʋtã* tũu ne vʋʋsem sõng pãnga. 21  A na n doga bi-ribla, la f tog n pʋda a yʋʋr t’a Zeezi.* Bala, a na n fãaga a nin-buiidã ne b yel-wẽnã.” 22  Bõn-kãensã fãa maaname sẽn na yɩl t’a Zeova* sẽn kɩt tɩ b no-rɛɛsã yeel bũmb ningã pidsi. A ra yeelame yaa: 23  “Ges-y-yã! Pa-kuil* n na n dɩk pʋg n dog bi-ribla, la b na n pʋda a yʋʋr t’a Emanuwɛlle, sẽn dat n yeel tɩ “Wẽnd-be-ne-do.” 24  A Zozɛf sẽn neke, a maana wa a Zeova* malɛkã sẽn yeelã. A tɩ peega a pagã n wa a zakẽ. 25  La a pa tol n kẽ ne-a, hal t’a wa rog bi-ribla, t’a pʋd a yʋʋr t’a Zeezi.

Vẽnegr toor-toore

Bɩ, “Mesi wã. Soab ning b sẽn zae wã.”
Bɩ, “yaab-rãmb roogo.”
Gɛrkã gom-bilã tõe n dat n yeelame me tɩ “yagenga.”
Bɩ, “Wẽnnaam pãnga.”
Tõnd sẽn lebg Biiblã babg ning b sẽn da gʋls ne Gɛrkã, naoor 237 la d ning Wẽnnaam yʋʋrã sẽn yaa Zeova wã. La d pa sõd vẽnegr toor-toorã n naag ye. Vɛrse-kãngã la pipi vɛrse d sẽn ning Zeova wã. Ges-y gom-biis võor bilgrã zĩigẽ.
Bɩ, “dɩkã.”
Ne Ebre yaa: Zesua bɩ Zosua, sẽn dat n yeele: “A Zeova yaa Fãagre.”
Ges-y gom-biis võor bilgrã zĩigẽ.
Pʋg-sad sẽn pa mi raoa.
Ges-y gom-biis võor bilgrã zĩigẽ.