20:1Verse-rãmb sã n tong taab seb-yend pʋgẽ, gʋls-bi kãngã n na n zĩnd pipi soabã ne yaoolem soabã sʋka, Yɩɩn. 37:9-1131

  • Yaoogã yaa vɩʋʋgo (1-10)

  • A Zeezi vẽnega b meng ne a Maari sẽn yit Magdala wã (11-18)

  • A Zeezi vẽnega b meng ne b karen-biisã (19-23)

  • A Toma maanda sãmbse, la a wa n kɩsa sɩda (24-29)

  • B sẽn gʋls seb-pindem-kãnga wã võore (30, 31)

20  Semennã pipi daare,* a Maari sẽn yit Magdala wã kẽnga yaoogẽ wã yibeoogã pĩnda, tɩ zĩigã ket n yaa libsgu. La a tɩ mikame tɩ kugrã zoe n bilmame n lak n bas yaoogã.  Dẽ, a zoeeme n kẽng a Sɩmo-Pɩyɛɛr ne karen-biig a to wã a Zeezi sẽn da nongã nengẽ n yeel-b yaa: “B rɩka Zu-soabã n yi yaoogẽ wã, la tõnd pa mi b sẽn ning-b zĩig ning ye.”  Dẽ, a Pɩyɛɛr ne karen-biig a to wã loogame n na n kẽng yaoogẽ wã.  Bãmb b yiibã naaga taab n sɩng zoeese, la karen-biig a to wã zoee tao-tao n yɩɩg a Pɩyɛɛr n deng-a yaoogẽ wã.  A sẽn zõond n ges yaoogã pʋgẽ wã, a yãa lẽ pɛɛlã sẽn dʋr be, la a pa kẽ ye.  La a Sɩmo-Pɩyɛɛr me pʋgla yẽ n ta. A kẽe yaoogẽ wã, n yã lẽ pɛɛlã sẽn dʋr be.  Peend ning sẽn da vil bãmb zugã ra pa naag pɛɛl a taabã ye. La a ra vilame n dɩg kɛɛnga.  Rẽ poore, karen-biig a to wã sẽn ta yaoogẽ wã pipi wã me kẽeme n yã, la a tẽe b sẽn yeel-b bũmb ningã.  Bala b ra nan pa wʋmd Gʋls-sõamyã sẽn wilg t’a Zeezi segd n vʋʋgame wã võor ye. 10  Dẽ, karen-biisã lebgame n kuil b zagsẽ. 11  La a Maari ra ket n yasa yɩnga, yaoogã sɛɛg n yãbda. La a sẽn yãbdã, a waa n zõondame n ges yaoogã pʋgẽ 12  n yã malɛgs a yiib sẽn yer peelse, n zĩ a Zeezi kũumã sẽn da beẽ wã. A yembrã zĩi bãmb zugã sẽn da be zĩig ningã, t’a to wã zĩ bãmb karsã sẽn da beẽ wã. 13  La b sok-a lame yaa: “Paga, bõe yĩng tɩ fo yãbda?” T’a leok-b yaa: “B rɩka m Zu-soabã, tɩ m pa mi b sẽn ning-b zĩig ning ye.” 14  A sẽn yeel woto wã poore, a wẽnemdame n yã a Zeezi sẽn yase. La a pa bãng tɩ ra yaa a Zeezi ye. 15  A Zeezi sok-a lame: “Paga, bõe yĩng tɩ fo yãbda? Ãnda la fo baooda?” A sẽn da tẽed tɩ yaa tɩɩsã zĩig gũudã yĩnga, a yeel-a lame: “M soaala, sã n yaa yãmb n dɩk bãmb bɩ y wilg-m zĩig ning y sẽn gãneg-bã, la m na tɩ rɩk-ba.” 16  T’a Zeezi yeel-a: “Maari!” A sẽn wẽnemde, a yeel-b-la ne Ebre yaa: “Rabuni!” (sẽn dat n yeel tɩ “Karen-saamba!”) 17  T’a Zeezi yeel-a: “Bas mam mobgre. Bala, mam nan pa rʋ Ba wã nengẽ ye. La kẽng m saam-biisã nengẽ n tɩ yeel-ba: ‘Mam dʋʋda m Ba sẽn yaa yãmb me Ba wã nengẽ, la m Wẽnnaam sẽn yaa yãmb me Wẽnnaamã nengẽ.’ ” 18  A Maari sẽn yit Magdala wã kẽngame n tɩ togs karen-biisã kibarã, n yeele: “Mam yãa Zu-soabã!” Rẽ poore, a togs-b-la a Zeezi sẽn yeel-a bũmb ningã. 19  Daar-n-kãng sẽn yaa semennã pipi daarã zĩig sẽn wa n sobge, rẽ tɩ karen-biisã sẽn da be zĩig ningã kʋɩlens pagame, b sẽn zoet Zʋɩf-rãmbã yĩnga. La a Zeezi wa n yalsa b sʋk n yeele: “Bɩ laafɩ zĩnd ne-yã.” 20  B sẽn yeel rẽ wã poore, b wilg-b-la b nusã la b lʋgrã. Dẽ, karen-biisã sũy yɩɩ noog wʋsgo, b sẽn yã Zu-soabã yĩnga. 21  T’a Zeezi le yeel-ba: “Bɩ laafɩ zĩnd ne-yã. Mam tʋmda yãmb wa Ba wã me sẽn tʋm maamã.” 22  B sẽn yeel woto poore, b fʋʋsa b zut n yeel-ba: “Reeg-y vʋʋsem sõngo. 23  Yãmb sã n kõ ned sẽn maan yel-wẽn sugri, Wẽnnaam zoe n kõo a soab sugri. La yãmb sã n pa kõ ned sẽn maan yel-wẽn sugri, Wẽnnaam pa kõ a soab sugr ye.” 24  La a Toma sẽn yaa Piig la a yiibã nin-yende, tɩ b boond-a me tɩ Kinkirgã ra pa be ne-b a Zeezi sẽn wa wakat ningã ye. 25  Dẽ, karen-biis a taabã ra yet-a lame yaa: “Tõnd yãa Zu-soabã!” La a yeel-b lame: “Mam sã n pa yã põentsã bogd* b nusẽ wã n ning m nug-bilã põentsã bogdẽ, la m ning m nugã b lʋgrẽ wã, m pa na n tol n tẽ ye.” 26  La rasem a nii poore, a Zeezi karen-biisã ra le bee roogẽ n page, t’a Toma be ne-ba. Baa kʋɩlensã sẽn da pagã, a Zeezi wa n yalsa b sʋka, n yeele: “Bɩ laafɩ zĩnd ne-yã.” 27  Rẽ poore, b yeela a Toma yaa: “Ning f nug-bilã ka, la f ges mam nusã. Rɩk f nugã n ning mam lʋgrẽ wã, la f bas sãmbs* la f tẽ.” 28  T’a Toma yeel-ba: “Mam Zu-soaba, mam Wẽnnaam!” 29  T’a Zeezi yeel-a yaa: “Fo sẽn yã maamã yĩng la fo sẽn tẽ wã? Sũ-noog rãmb la neb nins sẽn pa yã n yaool n tẽedã.” 30  Vẽenega, a Zeezi maana yel-soalem wʋsg me karen-biisã taoor tɩ b pa gʋls seb-pindem-kãngã pʋgẽ ye. 31  La b gʋlsa bõn-kãensã sẽn na yɩl tɩ y tẽ t’a Zeezi n yaa Kiristã sẽn yaa Wẽnnaam Biigã, tɩ y sẽn tẽedã yĩnga, bɩ y paam vɩɩm bãmb yʋʋrã maasem yĩnga.

Vẽnegr toor-toore

Ges-y tẽngr vẽnegr ning sẽn be Matiye 28:1 wã.
Bɩ, “bãna.”
Gɛrk, “da yɩ ned sẽn ka tẽeb ye.”