Ges-y sẽn be pʋgẽ wã

Ges-y gom-zu-bi wã zĩigẽ

A Zeova Kaset rãmbã

Moore

Yãmb tẽeda a Zeezi bɩ?

Yãmb tẽeda a Zeezi bɩ?

N-ye. Tõnd tẽeda a Zeezi. A meng yeela woto: “Maam la sore, la sɩda, la vɩɩm. Ned baa a yembr ka tõe n wa m ba nengẽ tɩ ka tũ ne maam ye.” (Zã 14:6) Tõnd tẽedame t’a Zeezi yii saasẽ n wa tẽngã zugu, la t’a sak n kiime tɩ yɩ rond ninsaalbã yel-wẽnã yĩnga. (Matye 20:28) A kũumã la a vʋʋgrã kɩtame tɩ neb nins fãa sẽn na n tall tẽeb ne yẽ wã, tõe n wa paam vɩɩm sẽn kõn sa. (Zã 3:16) Tõnd tẽedame me t’a Zeezi sẽn yaa Wẽnnaam Rĩungã Rĩmã rɩta naam saasẽ masã, la tɩ ka la bilfu, a na n kɩtame tɩ laafɩ zĩnd dũniyã gill zugu. (Vẽnegre 11:15) La tõnd pa tẽed t’a Zeezi zema Wẽnnaam ye. Bala, a mengã yeela woto: “M ba yɩɩda maam.” (Zã 14:28) Woto yĩnga, tõnd pa waoogd a Zeezi wa Wẽnnaam, d leb n pa tẽed t’a yaa Wẽnnaam Sẽn-tõe-a-fãa wã ye.