Ges-y sẽn be pʋgẽ wã

Bõe yĩng tɩ yãmb sõsd ne neb sẽn zoe n tar tũudum?

Bõe yĩng tɩ yãmb sõsd ne neb sẽn zoe n tar tũudum?

Tõnd gũus n gesame tɩ d sã n sõsd ne neb wʋsg sẽn zoe n tar tũudum Biiblã zugu, noom-b lame. Sɩd-sɩdã, d pa modgd nebã tɩ b tẽ tõnd sẽn tẽedã ye. D pa modgd-b me tɩ b sak koɛɛg ning d sẽn taasd-bã ye.

Tõnd sã n wa sõsd ne nebã tũudmã wɛɛngẽ, d tũuda Biiblã saglga, n gomd ne “sũ-maasem” la ne “sik-m-menga.” (1 Pɩyɛɛr 3:15) D miime tɩ neb kẽer pa na n sak tõnd koɛɛgã ye. (Matye 10:14) La sã n pa d taasa ned koɛɛgã, d pa tõe n zoe n bãng a manesem sẽn na n yɩ to-to ye. D miime me tɩ nebã yɛl toeemdame.

Makre, ned sẽn pa tar sẽk n na n sõs ne tõnd rũndã tõe n sak n kelg-d-la nindaare. Yel-beed bɩ zu-loe-kɛgeng tõe n kɩtame tɩ ned tʋlg n kelg Biiblã koɛɛgã. Yaa rẽ n so tɩ d moond nebã koɛɛgã n yɩlemdẽ.