Olupe wihina wone muselu dhilimo

Olupele muselu wogwaddela

 OHUDHERA 12

Onanfiyedhe addi Mulugu?

Onanfiyedhe addi Mulugu?

1. Mulugu anowawiwa malobelo atene?

Mulugu onowawithana athu atene onfiyedha oliye wodhela nlobelo. (Salmo 65:2) Ehikalawo malobelo Mulugu ahinavuruwaniye ni ahinarumedhiye. Motajhiha, Mulugu kanaavuruwana malobelo a mulobwana anamutabusa mwariye. (1 Pedro 3:7) Mudhidhi amwaana Ezarayeli yakaleliwa ntidi werana dhithu dhabure, Mulugu kavuruwana malobelo ewa. Mweebaribarene, malobelo oneeti. Naari dhigarive ndo, muthu eerana yothega enddimuwa vano athwaruwa, Mulugu onowavuruwana malobelwaye.​—Omwileri Isaías 1:15; 55:7.

2. Nlobelege avi?

Nlobelo nnokosa epaddi yomwebedha Mulugu. Bumwahaya malobelo ehu edhowege wa Jeova bahi, Mpaddusi ehu. (Mateus 4:10; 6:9) Wona wi nili athu ohilogomana, nilobelege mwa ndina na Yesu, mwaha wi oliye ohukwa wodhela dhothega dhehu. (João 14:6) Jeova kanafuna wi nalobelaga nawogege madhu mamodhave naari oolebiwa. Oliye anafuna nilobelege ni murima watene.​—Omwileri Mateus 6:7; Filipenses 4:6, 7.

Mpaddusi ehu onowawiwa malobelo mmurimani-mmurimani. (1 Samuel 1:12, 13) Oliye onoonithana wihina nilobelege mudhidhi watene, ninga omambelelo ni omagomihedho walabo, nafunaga ojha naari nafwanyiwa makathamiho.​—Omwileri Salmo 55:22; Mateus 15:36.

 3. Mwahaya bwaddi Anamona a Jeova egatugumana?

Onfiyedha Mulugu kahiyo yokweya mwahaya wi nnakala vari vaathu ehinna nroromelo ni Mulugu ni enanyoza efunelo yaye yodhana murenddele wapela elabo yatene ya vati. (2 Timóteo 3:1, 4; 2 Pedro 3:3, 13) Mowindo, nnohowela otugumana ni addibilihu wihina nlibihanege.​—Omwileri Hebreus 10:24, 25.

Otugumana naathu enamudhivela Mulugu winonikavihera onfiyedha Mulugu. Mutugumano dha Anamona a Jeova mudhidhi wolibiha nroromelo nehu ni naakwihu.​—Omwileri Romanos 1:11, 12.

4. Onanfiyedhe addi Mulugu?

Onere onfiyedha Jeova wodhela wubuwelela onahudheriwe mBibliyani. Kubuwelela dhowera dhaye, dhoholela dhaye ni mpaganyo dhaye. Wubuwelela madhu a Mulugu ni olobela winere onikavihera wunuwiha omutamalela wehu wodhela odhivela ni thotho dha Mulugu.​—Omwileri Josué 1:8; Salmo 1:1-3.

Onere onfiyedha Mulugu wamuroromela ni wakanna nroromelo ni oliye. Mbwenye nroromelo nili ninga motho onafuna otetedhiwa mudhidhi watene wihina wahithime. Enofuneya otetedhela nroromelo nehu modhela wubuwelela dhinarumelihu.​—Omwileri Mateus 4:4; Hebreus 11:1, 6.

5. Onakaviheriwe addi wanfiyedha Mulugu?

Jeova onowapwatha ale enamudhivela. Oliye onowabarela mwa dhithu dhatene dhaafune weeka vangovini nroromelo newa ni ejhehedho ya egumi yohimala. (Salmo 91:1, 2, 7-10) Oliye ononixagiha wodhela mweddelo wineeka egumi yehu ni ohagalala wehu vangovini. Jeova anonihudhiha okalawo ni mukalelo wapama.​—Omwileri Salmo 73:27, 28; Tiago 4:4, 8.