Olupe wihina wone muselu dhilimo

Olupele muselu wogwaddela

 OHUDHERA 9

Murala wawo onaakale addi wohagalala?

Murala wawo onaakale addi wohagalala?

1. Mwahaya bwaddi olebiha matelo sofuneya wigi okalena murala wohagalala?

Muthenga dhapama dhinadhela wa Jeova, Mulugu ohagalala. Oliye anafuna wi murala dhikale dhohagalala. (1 Timóteo 1:11) Oliye dipaddusile matelo. Olebiha matelo sofuneya wigi okalena murala wohagalala. Olebiha matelo winowakavihera anamatelana ni ahima okala obareleyene. Makiristawu yawiwelelege malamulo eelabwiwa wodhela olebiha matelo.​—Omwileri Lucas 2:1, 4, 5.

Mulugu anawona matelo avi? Oliye anafuna wihina mulobwana ni mwihiyana yatelana ehihiyane newene ehimwalane. Jeova anafuna wihina mulobwana ni mwariye ekale ororomelana mmodha ni mukwaye. (Hebreus 13:4) Oliye onowidda omwalana. (Malaquias 2:16) Mulugu onowenya wihina makiristawu emwalane ni etele dila bili mmodha akuma mba.​—Omwileri Mateus 19:3-6, 9.

2. Mulobwana ni mwariye yeddihanege avi?

Jeova ampaddusile mulobwana ni mwihiyana wihina yatelana ekaviheranege mmodha ni mukwaye. (Génesis 2:18) Ninga musolo wemudhi, mulobwana dinajhiha emudhaye ni onowahudhiha wodhela Mulugu. Oliye akalena odhivela wa murima ni mwariye. Mulobwana ni mwariye edhivelanege ni erihanege mmodha ni mukwe. Wona wi mulobwana ni mwariye kilogomane, enone olevelelana yegi ekalena matelo ohagalala.​—Omwileri Efésios 4:31, 32; 5:22-25, 33; 1 Pedro 3:7.

 3. Mwahiwananaga vamuralani venyu, sapama omwihiya mamuno obe mwariyo?

Akala kamuniwanana vamuralani venyu, mulobwana ni mwariye yilibihedhe weddihana nuudhivela mmodha ni mukwaye. (1 Coríntios 13:4, 5) Madhu a Mulugu kineenya omwihiya mwariyo obe mamuno ninga makalelo oomariha muladdu vamatelelo.​—Omwileri 1 Coríntios 7:10-13.

4. Ahima, Mulugu anafuna ddi ni nyo?

Jeova anufunanaani wihina muhagalale. Oliye onowuvahani dholagihera dhapama wihina mujhevo ezombwe. Mulugu onofuna wihina mupurelemo thotho dha makolwinyu ni muhudhere ni dhithu dhonile makolwinyu. (Colossenses 3:20) Jeova, Mpaddusi ehu, onofuna wihina muhagalale wodhela werana efunelo yaye ni ya Mwanaye.​—Omwileri Eclesiastes 11:9–12:1; Mateus 19:13-15; 21:15, 16.

5. Ababi, munere ddi wihina mwahagalalihe aninyu?

Ababi, mwilibihere olaba wihina mwavahe aninyu yojha, vokala ni dhowara. (1 Timóteo 5:8) Wihina aninyu ehagalale, eri yokweleya wahudhiha omudhivela Mulugu ni ohudhera dha Mulugu. (Efésios 6:4) Ababi, mwilibihedhaga woniha odhivela wenyu ni Mulugu munere oddiginya murima dhaninyu. Mwalelaga aninyu ni Madhu a mBibliyani, enere okanna mubuwelo wapama.​—Omwileri Deuteronómio 6:4-7; Provérbios 22:6.

Aninyu enere opurelamo mwalibihaga ni mwathethelaga. Aliwa enofuna osumululiwa ni osinyusiwa. Eyo enere wabarela mweddelo onadhihe ogujhula ohagalala wewa. (Provérbios 22:15) Mbwenye wasinyusa wula kukalege wowali ni wabure.​—Omwileri Colossenses 3:21.

Anamona a Jeova enowaleba malivuru gwe wihina yakavihere ababi ni ahima. Malivuru ala ekumihiwe mBibliyani.​—Omwileri Salmo 19:7, 11.