ঈশ্বরনা নহাকপু মঙোন্দগী লৌশিং জ্ঞান ফংহন্নীংই

“নহাক্কী তোংজনবা নহাকপু তম্বিবা, নহাক্না চৎকদবা লম্বীদা নহাকপু চিংবিবা ঐদি নহাক্কী ঈশ্বর যেহোবানি। নহাক্না ঐগী য়াথংশিং পূক্নীং চঙনা তারম্লবদিকো! নহাক্কী ঈঙথবা অদু তুরেনগুম ওইরমগদবনি, নহাক্কী ধর্ম্মচেনবদি সমুদ্রগী ঈথক-ঈপোমগা মান্নগনি।”—যিশাইয়া ৪৮:১৭, ১৮.

মথক্তা পল্লিবা ৱাফমসি ঈশ্বরমক্না ঐখোয় ইশা অমমমদা হায়রকপা ৱাফমনি হায়না খঞ্জবা য়াই। মরমদি মহাক্না ঐখোয়বু পুক্নীং শান্তি লৈনা অমসুং মতমচুপ্পগী ওইনা নুংঙাইনা হিংহন্নীংই। অদুগা মদু ফংনবগীদমক ঐখোয়না করি তৌগদগে হায়বদুসু মহাক্না ঐখোয়দা তাকপী।

নহাক্না ঈশ্বরগী লৌশিং ফংজগনি

“জাতি পূম্নমক্তা অফবা ৱাপাউ অসি হান্না হায়দোক্কনি।”—মার্ক ১৩:১০.

“অফবা ৱাপাউ” নত্ত্রগা নুংঙাইবা পাউ হায়রিবসিদা ঈশ্বর যেহোবানা ঐখোয়গী অৱা অনা পুম্নমক লৌথোকপিগনি, পৃথিবীবু ফজরবা লৈকোল অমগুম্না ওইহনবীগনি অমসুং শিখ্রবশিং ফাওবা হিঙ্গৎহনবীগনি হায়রিবা ৱাফম কয়াসি য়াওরি। যেহোবাগী সাক্ষীশিংনা পৃথিবী শিনবা থুংনা হায়রিবা বাইবলদা য়ুম্ফম ওইবা নুংঙাইরবা পাউ অসি মীশিংদা পীরি।