Skip to content

Skip to secondary menu

Jehovah gi Sakhishing

Manipuri (Roman)

Taibangpansi tasengnamak kanagi khutta leibage?

Taibangpansi tasengnamak kanagi khutta leibage?

Nahakna asumna khanbibra . . .

  • Ishworgi?

  • Meeoibasinggi?

  • Seitan gi?

 BIBLENA KARI HAIRI

“Taibangpan apumba phattaba adugi makhutta lei.”—1 Johan 5:19.

“Diyabolgi thabak manghannaba Ishworgi macha nupa adubu phongdokpire.”—1 Johan 3:8, Asengba Bible.

MASI THAJABANA NAHAKKIDAMAK KARI KANNAGANI

Taibangpanda thokliba samasyasinggi matangda sandokna khangjaba.—Phongdokpiba 12:12.

Aphaba taibangpan ama oirakkani haibasida thajaba yabagi maram khangjaba.—1 Johan 2:17.

 BIBLENA HAIRIBASI EIKHOINA TASENGNAMAK THAJABA YABRA?

Yai, yamdrabada maram ahumda yumpham oiraga:

  • Seitan gi sashan gi aroiba numit tamkhre. Meeoiba jatigi mathakta leiriba Seitan gi sashan asi loisinnaba Jehovahna lepkhre. Ishworna washakpi madudi ‘mahakna . . . diyabolbu manghan gani’ amasung Seitanna thokhankhiba mang-takpasing adu kokhanduna hannagi phibhamda mapung phana amuk hanjilhangani.—Hibru 2:14.

  • Ishworna Jishu Christa bu taibangpan gi sashan mapu oinaba khanbikhre. Jishu di taibangpan asigi tamthiraba, masagi oijabata khanba sashan mapu asidagi top-topi. Jishu gi sashan gi matangda Ishworna wasak ee: “Mahakna asonbasing amasung anangbasingbu nungsiba pokkani, . . . mahakna makhoigi thawai otneibadagi amasung hingsha toubadagi handokpigani.”—Thagat Ishei 72:13, 14.

  • Ishwordi minamloi. Biblena mayek sengna hairi: “Ishworna meenamba” oithokte. (Hibru 6:18) Jehovahna karigumba ama pangthokkani haiduna washakpirabadi madu pangthoklabaga pangkhakni. (Jishaiya 55:10, 11) “Houjik taibangpan asigi mapu adu tanthokkani.”Johan 12:31.

 KHANTHABA YABA WAPHAM

Taibangpan asi, masigi leingakpadu louthokhraba matungdadi kari oigani?

Biblena wahangsigi paokhum masida piri THAGAT ISHEI 37:10, 11 amasung PHONGDOKPIBA 21:3, 4.