Eikhoigi taibangpangi phibamsi . . .

  • Ahongba leitana adumak leikhigadra?

  • Henna phatchillakoidouribra?

  • Phagatlakkadra?

 BIBLENA KARI HAIRI

“Ishworna makhoigi mittagi pirang khuding teithokpigani; amuk hanna siba, waba, tengthaba, kappa amasung naba leiraroi. Maramdi ariba pot pumnamak loikhre.”—Phongdokpiba 21:4, Asengba Bible.

MASI THAJABANA NAHAKKIDAMAK KARI KANNAGANI

Artha leiba amasung penningai oiba thabak leigani.—Jishaiya 65:21-23.

Makhal amattagi ana-ayek nattraga awa-ana leiraroi.—Jishaiya 25:8; 33:24.

Imung-manung amadi marup mapangsingga loinaidraba nungaiba punsi phanggani.—Thagat Ishei 37:11, 29.

 BIBLENA HAIRIBASI EIKHOINA TASENGNAMAK THAJABA YABRA?

Yai, yamdrabada maram anida yumpham oiraga:

  • Ishworda mahakki washak thunghanba ngambagi shakti lei. Bibleda Ishwor Jehovah khaktabu “ingam ngamba” haina kouee, maramdi mangonda ngamkhei leitaba shakti lei. (Phongdokpiba 15:3) Maram asina eikhoigi taibangpan asi henna phagatpa ama oihanbirakkani haiba mahakki washak adu ngakpa ngamgani. Biblena haibagumna “Ishwordadi pumnamak oithokpa ngaktani.”—Maathi 19:26.

  • Ishworna mahakki washak thunghanba pammi. Khudam oina, Jehovahna sikhraba meesingbu amuk hinggat hanba “pamjagani.”—Job 14:14, 15.

    Ishworgi machanupa Jishu na anaba phahallammi hainasu Biblena phongdokee. Mahakna madu karigidamak touramlibano? Madu mahakna pamjabagini. (Mark 1:40, 41) Mahakki mapagumna Jishu dasu tolla-tarabasingbu mateng pangningbagi chap-chaba gun chelli.—Johan 14:9.

    Maram aduna Jehovah amasung Jishu na eikhoibu ngungairaba tunggi punsi ama phanghanningi haibasi sungsoi soidana thajaba yai.—Thagat Ishei 72:12-14; 145:16; 2 Peter 3:9.

 KHANTHABA YABA WAPHAM

Ishworna matou karamna aphaba taibangpan ama purakkani?

Biblena wahangsigi paokhum masida piri MAATHI 6:9, 10 amasung DANIEL 2:44.