Skip to content

Skip to secondary menu

Jehovah gi Sakhishing

Manipuri (Roman)

Ishworgi Ningthouleibak haibasi karino?

Ishworgi Ningthouleibak haibasi karino?

Adomna masi . . .

  • Thamoida leibani haigadra?

  • Bhapna saba warini haigadra?

  • Swargada leiba sarkarni haigadra?

 BIBLENA KARI HAIRI

“Swargagi Ishworna keidoungeidasu manglaroidaba ningthou leibak ama lingkhatkani.”—Daniel 2:44, Asengba Bible.

“Eikhoida macha nupa ama pibire, mahakki lengbanda leingak-sashan leigani.”—Jishaiya 9:6.

MASI THAJABANA ADOMGIDAMAK KARI KANNAGANI

  • Dharmachenba sarkar amana adom isamakpu kannaba phanghanbigani.—Jishaiya 48:17, 18.

  • Lakkadouriba anouba taibangpanda hakchang phana amadi nungaina hingba phanggani.—Phongdokpiba 21:3, 4.

 BIBLENA HAIRIBASI EIKHOINA TASENGNAMAK THAJABA YABRA?

Yai, yamdrabada maram anida yumpham oiraga:

  • Ishworgi Ningthouleibakna tourakkadouriba thabaksingdu Jishu na utlammi. Jishu na magi sheboksingda Ishworgi Ningthouleibak laknanaba amasung mahakki aningba prithibida oinanaba prathana touba tambirammi. (Maathi 6:9, 10) Prathana adu matoukaramna paokhum pirakkani haibadu Jishu na utlammi.

    Jishu na prithibida leiringeida aram-khourangbasingbu pijarammi, anaba phahallammi amasung asiba hingat hallammi. (Maathi 15:29-38; Johan 11:38-44) Tungda oirakkadaba Ishworgi Ningthouleibakki leingakpa ama oina, ningthouleibak aduna mahakki prajasingidamak kari tourakkani haibadugi phajaraba phibham ama Jishu na mangjounana utlammi.—Phongdokpiba 11:15.

  • Taibangpan gi oiriba phibhamsina Ishworgi Ningthouleibak thunamak laklagani haiba tasengnamak utli. Ishworgi Ningthouleibakna prithibida shanti puraktringei hek mamangda, eikhoigi taibangpan asi lan, chaktangba amadi yuwarhaba kaya thokkani haina Jishu na mangjounana hairammi.—Maathi 24:3, 7.

    Ngasidi eikhoina hairiba phibhamsingdumak uba phangle. Maram asina, Ishworgi Ningthouleibakna asigumba nungaitaba phibhamsing asigi aroiba thunamak puraklagani haiba soidre haina thajaba yai.

 KHANTHABA YABA WAPHAM

Ishworgi Ningthouleibakna panba matamda punsi asi kari phibham oigani?

Biblena wahangsigi paokhum masida piri THAGAT ISHEI 37:29 amasung JISHAIYA 65:21-23.