Skip to content

Skip to secondary menu

Гарчиг руу орох

Еховагийн Гэрчүүд

монгол

Библи юун тухай өгүүлдэг вэ?

 Хэсэг 15

Цөллөгт байсан зөнч ирээдүйн үйл явдлыг үзсэн нь

Цөллөгт байсан зөнч ирээдүйн үйл явдлыг үзсэн нь

Даниел Бурхны Хаанчлал болон Мессиагийн ирэх тухай зөгнөсөн. Вавилон мөхөв

БУРХАНД чин үнэнчээр зүтгэдэг Даниел гэгч залуу Иерусалимыг устгагдахаас өмнө Вавилон руу цөлөгдсөн байлаа. Иудагийн хаант улс Вавилонд ялагдсан учраас иудейчүүд тийнхүү олзлогдсон ажээ. Гэхдээ Даниел болон зарим нөхдөд нь тодорхой хэмжээний эрх чөлөө олгожээ. Даниел Вавилонд олон жил амьдрахдаа Бурхны ивээл хишгийг арвин ихээр хүртэж, арслангийн нүхэнд үхэх аюулаас хүртэл мултарч, алс ирээдүйд болох үйл явдлыг ч үзжээ. Даниелын хэлсэн олон зөгнөлийн дотроос хамгийн чухал нь Мессиа болон түүний засаглалын тухай зөгнөл юм.

Даниел Мессиагийн хэзээ ирэхийг мэдсэн нь. Бурхны ард түмэн «Жонон Мессиагийн» ирэхийг Иерусалимын хэрмийг сэргээн барих зарлиг гарснаас хойш жаран есөн «долоон хоног» хүлээх учиртайг Даниел мэджээ. Энд ердийн долоо хоногийг хэлээгүй, харин зөгнөлийн утгаар долоон жилийг хэлсэн ажээ. Уг зарлиг Даниелаас хойш олон жилийн дараа, МЭӨ 455 онд гарчээ. Тэр оноос жаран есөн «долоон хоног» буюу 483 жилийг тоолбол МЭ 29 онтой давхацдаг. МЭ 29 онд юу болсныг дараагийн хуудаснаас үзнэ. Даниел бас Мессиаг нүглийн төлөөх эвлэрүүлэл болж «таслагдах» буюу цаазлуулахыг урьдаас мэджээ (Даниел 9:24–26).

Мессиа тэнгэрт Хаан болно. Даниел Мессиагийн тухай ер бусын үзэгдэл үзжээ. Тэнгэрт «Хүний Хүү шиг Нэгэн» явсаар Еховагийн хаан ширээ рүү очив. Тэгтэл Ехова түүнд «эрх мэдэл, сүр жавхлан ба хаанчлал» өгчээ. Тэрхүү Хаанчлал үүрдийнх байх аж. Даниел Мессиагийн Хаанчлалын талаар өөр чухал зүйлийг мэдэв. Юу гэвэл, Хаан «Дээдийн Дээд Нэгэний ариун хүмүүс» гэгдэх бүлэг хүнтэй хамт захирах ажээ (Даниел 7:13, 14, 27).

Хаанчлал энэ ертөнцийн засгийн газруудыг устгана. Бурхан Даниелд Вавилоны хаан Небухаднезарын сэтгэлийг зовоож байсан зүүдийг тайлах чадвар өгчээ. Хаан зүүдэндээ алтан толгойтой, мөнгөн цээж, гартай, хүрэл хэвлий, гуятай, төмөр шилбэтэй, төмөр шаврын холимгоос бүтсэн тавхайтай нүсэр том баримал үзсэн аж. Тэгтэл уулын чулуу цавчигдан ирж, хэврэг тавхайг нь цохин, баримлыг буталжээ. Баримлын хэсгүүд бол алтан толгой болох Вавилоноос эхлэн ар араасаа гарч ирэх дэлхийн эзэнт гүрнүүд гэдгийг Даниел тайлбарлав. Түүний үзсэнээр, ёс бус ертөнцийг захирах сүүлчийн гүрнүүдийн үед Бурхны Хаанчлал үйл ажиллагаагаа явуулах ажээ. Хаанчлал энэ ертөнцийн засгийн газруудыг бүгдийг нь бут цохисныхоо дараа өөрөө мөнхөд захирах юм («Даниел» 2-р бүлэг).

Даниел өндөр насыг насалж, Вавилоны сүйрлийг ч үзжээ. Зөгнөсөн ёсоор Кореш хаан хотыг устгасан. Дараахан нь иудейчүүд олзноос чөлөөлөгдсөн бөгөөд тэр үед нутаг нь эзгүйрээд яг далан жил болсон байв. Тэд үнэнч шударга захирагч, тахилч, зөнчдийн удирдлагаар Иерусалимыг шинэчлэн барьж, Еховагийн сүмийг сэргээсэн. Тэгвэл 483 жилийн дараа юу болсон бэ?

«Даниел» номд үндэслэв.

ИЛҮҮ ИХИЙГ МЭДЭХИЙГ ХҮСВЭЛ:

ХАРУУЛЫН ЦАМХАГ

Бурхны Хаанчлал хэзээ захирч эхэлсэн бэ? (1-р хэсэг)

Та энэ асуултын хариуг мэдээд хүнд Библиэс тайлбарлаж чадах уу?